湯鎮業14歲孖女被讚似哈林仔 首次行天橋爸爸驚嘆：氣場全開

現年63歲嘅湯鎮業係圈中出名嘅「多仔公」，佢同前妻姜坤、廣州人前度紅顏知己分別育有四名子女，而同細佢25歲嘅嬌妻鄒文靜就育有一對孖兒湯樂欣、湯樂怡，一家四口定居內地。湯鎮業不時喺社交平台分享佢嘅家庭樂片段，日前佢就好驕傲咁post囡囡第一次行catwalk嘅相片，驚艷唔少網民。

同場加映：林家謙自嘲「手語式」跳舞 意外後開騷有壓力 機關人性化

{{hket:ul-video id="6428"}}{{/hket:ul-video}}

湯鎮業post孖女初次行騷嘅相，留言：「女大十八變！走上T台，氣場全開的Twins！」兩女只有14歲，但已經亭亭玉立，同媽咪似到十足十，而且完全冇怯場，好有壓台感。湯樂欣同湯樂怡都化上精緻妝容，姊妹以不同造型亮相，露出大騷長腿同小蠻腰！網民紛紛留言激讚樣靚有氣質，同哈林仔仔庾恩利有啲似樣，有潛質女承父業出道做藝人！湯鎮業接受訪問時曾表示一對孖女有賴太太悉心教導，性格單純，知書識禮；言談間盡顯父愛，為囡囡而自豪。

{{hket:inline-image name="a52fe326610eb6ebd18076ee83d3feb4.jpg"}}{{/hket:inline-image}}

湯鎮業家族一向盛產靚仔靚女，他與前妻姜坤育有三名子女，大女湯愛嘉畢業於美國加州大學洛杉磯分校（UCLA）傳理系，美貌與智慧並重，早年出席fahion界活動，外界大讚星味濃，不過並冇入行。而一對雙胞胎兒子湯君慈（Bruce）及湯君耀（Chris）就加入咗演藝圈，做模特兒同演員，樣貌辨識度都好高。

另外，湯鎮業仲有七個兄弟姊妹，其中佢哥哥湯鎮宗嘅女兒，有靚湯之稱嘅湯洛雯都係參選港姐而加入娛圈，大受歡迎。而妹妹湯樂瑤雖然冇入娛圈，但同樣外形出眾，成為焦點。唔少人都指湯家基因優良，甚至大讚湯鎮業的一對孖女拍得住堂姐靚湯，問佢會唔會考慮畀囡囡選港姐入行！

撰文：黃蘊姿