胡慧中22歲囡囡95%遺傳爸爸基因 內地男稱不堪被指食軟飯即分手

現年64歲的胡慧中曾在70年代與林青霞、胡因夢、林鳳嬌並列「台灣四大美女」，1998年嫁予著名眼科醫生何志平，4年後誕下女兒何嘉珍，自此淡出娛樂圈。囡囡唔經唔覺亦已經22歲，早前一名內地男公開同何嘉珍嘅戀情，引嚟熱烈嘅討論同批評。

同場加映：痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

胡慧中曾經講過自己嫁咗之後已經係典型的家庭主婦，已經唔再在乎外表，但佢早前於內地出席電影周都係掩藏唔到天生嘅氣質，唔少人都佢魅力依舊攝人。媽媽係明星囡囡自不然都好容易成為焦點，亦會被拎嚟同媽媽比較，何嘉珍身形圓潤，佢曾透露自己體重175斤（約193磅），唔少網民都指佢遺傳唔到媽媽基因，似足爸爸何志平。

{{hket:inline-image name="ec2bbda180f24c9bef63a0281dcf4cfa.jpg"}}{{/hket:inline-image}}

日前有一位叫梁勇的網民在社交平台高調公布同何嘉珍嘅戀情，相中見佢攬住何嘉珍，以「胖胖的香港小公主」肉麻稱呼對方，又指「有她每天生活都超甜蜜的」，除此之外梁勇仲post出同何嘉珍十指緊，以及同「外母」胡慧中嘅合照。戀情公開後，唔少網民都質疑梁勇係為錢埋女方身，指出兩人外形唔合襯之餘家底都差天共地，認為佢係想食軟飯。

面對網民的質疑，梁勇隨即狠撇何嘉珍，佢指網民對佢進行人身攻擊，佢忍受唔到輿論壓存，又拍片透露自己有啲抑鬱，但又將公開戀情同澄清嘅短片都刪除。梁勇指自己雖然家境貧寒，但從來冇使女人錢，佢聲稱一開始並唔知道對方嘅家境，雙方只係偶然機會下認識。有網民亦於何嘉珍社交平台留言勸佢唔好畀人呃，亦唔需要自卑，應該搵一個門當戶對嘅男友，何嘉珍亦有回覆表示兩人已經分手，並多謝大家關心。

梁勇其實喺內地都唔係一個普通素人，佢曾參加內地相親節目《非誠勿擾》，當時佢同其中一位女嘉賓配對成功，不過節目播出冇耐佢又對外宣稱單身。

圖片來源：微博