哈林20歲仔嫵媚女裝坦蕩蕩歐遊 「最美星二代」妖過阿媽伊能靜

庾澄慶同前妻伊能靜嘅兒子小哈利（庾恩利）唔經唔覺已經20歲，小哈利不時都會喺社交平台分享自己着女裝嘅相，最近前往意大利度假更加係大解放，佢分享自己身穿白色低胸馬甲同化全妝嘅靚相，驚艷唔少網民，大讚佢靚過好多真女人！

同場加映：  痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

小哈利之前返到紐約工作，之後轉往意大利度假，日前佢喺IG分享阿瑪菲海岸影嘅靚相，只見佢身穿白色馬甲上衣，下身都係女神風嘅白色窄裙，非常性感，乍看之下真係雌雄莫辯！雖然小哈利之前同媽媽上節目時都係以男裝示人，不過喺鏡頭前跳舞時都散發住一陣嫵媚嘅味道，索過好多女人！其實早喺好耐之前小哈利已經大方post出自己嘅女裝照，但就引嚟唔少輿論甚至係謾罵，更令佢一度想關閉IG。

{{hket:inline-image name="101499660_689680948529582_6759354903403350892_n.jpg"}}{{/hket:inline-image}}

如今小哈利唔再理大家嘅眼光，而網民都係一片正評嘅留言：「像妖豔的波斯貓」、「女神」、「美哭」、「比你媽媽更妖」、「辣翻了」。

小哈利曾於採訪表示認為衣服係冇分性別，絕不能以此去定義一個人，又強調自己着咩衫係非常「情緒化」，覺得大家對衣服嘅解讀，唔應該超過對人本身嘅解讀，自己着咩只取決於當日狀態；亦唔希望因為某一種打扮，而對人有「設定」。而媽媽伊能靜亦有在微博分享小哈利的採訪，並留言表示：「這是我的孩子，我愛他。」

另外，小哈利去年宣布出道，哈林亦默默追蹤兒子的微博，低調給予支持，之後被問到此事時佢亦表示：「小孩去做他想做的事情，只要健康快樂就完美了。」

圖片來源：Instagram