且試天下丨「母胎美女」趙露思演最萌女俠 爸爸似Oppa池石鎮被誤認成男友

港台電視31嘅國劇830時段（晚上8時30分）於9月1日起，逢星期一至五播放新古裝劇《且試天下》。《且試天下》改編自同名暢銷小說，加上由「國民男友」楊洋、「母胎美女」趙露思主演。劇情講述武林高手黑豐息（楊洋 飾）和風華絕代白風夕（趙露思飾）嘅江湖故事，二人由冤家變情人，趙思露今次雖然係剛強女俠，但都離唔開做佢嘅撚手戲碼「甜蜜愛情片」。

同場加映︰痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

年僅23歲嘅新生代演員趙露思號稱「男神收割機」，曾經同男星宋威龍、肖戰、許凱、鄭業等合作，出道冇耐就已經有多套代表作，包括《傳聞中的陳芊芊》、《我，喜歡你》都係浪漫愛情片，大大滿足粉絲少女心，而趙露思嘅人氣都持續暴增，晉升成近幾年備受關注嘅小花之一！佢可愛直爽的性格喺戲外都「圈粉」無數，其實趙露思早喺2017年出道前已經喺網上有相當高嘅知名度，被封為「國民女神」！

{{hket:inline-image name="19.jpeg"}}{{/hket:inline-image}}

趙露思除咗係出名純天然系「母胎美女」之外，仲好有內涵，係台灣明道大學服裝設計系嘅學生，除咗四川話，國語，東北話、上海話同韓語通通都難佢唔到，語言天份好高。仲有經營自己嘅甜品店，閒時喜歡繪畫同攝影，又煮得一手好餸，可以話係十項全能！

趙露思面圓圓，「肉肉」非常可愛，甚至被粉絲改花名「肉絲」，但高161cm嘅佢只得39.5公斤，四肢纖細但就有可愛嘅雙下巴，唔少Fans都好buy呢個「反差萌」。趙露思曾經post過同爸爸嘅合照，見趙爸爸嘅鼻又高又挺，坊間大讚似韓國Oppa池錫辰！趙露思話爸爸睇落太年輕，同佢行街時常被誤以為情侶；而趙媽媽同樣好有明星相，睇嚟趙露思嘅高顏值都係遺傳自父母。

撰文︰《晴報》娛樂組