集氣祝福︳16月大B女Katherine開腹手術8日後出ICU 媽媽：感謝大家為佢祈禱

本港16個月大B女Katherine曾患神經母細胞瘤，但所幸經開刀做手術及治療後，抗癌成功；然而，她日前因出現後遺症而需再做第2次大手術，令媽媽為之心痛。手術完成後，Katherine於兒童醫院深切治療部（ICU）留醫，媽媽昨日（23日）公布好消息，指女兒已出ICU返回普通病房，又感恩地稱：「感謝大家為佢祈禱！」

同場加映：

Healthy Life︳腰背痛致失眠睡眠質素下降 3組瑜伽動作紓緩腰背痛症

{{hket:ul-video id="6380"}}{{/hket:ul-video}}

Katherine於3個月大時，證實患上神經母細胞瘤；去年10月初，6個月大的她接受剖腹手術切除腫瘤，情況穩定。媽媽本月15日在Facebook專頁「00後媽咪與饅頭包包の日常」發帖，指16個月大的小女兒Katherine因上次切除腫瘤的疤痕增生向內生，出現黏連性腸阻塞問題，因而準備做開腹手術，預計手術需時約3至4小時，「希望大家可以幫佢祈禱。」

手術期間，因Katherine心跳及血含氧量均下降，醫生需要做心外壓急救，急救過程為時6至7分鐘，甚至腦缺氧而需暫停手術。其後Katherine情況穩定下來，手術可以繼續。

手術完成後，媽媽繼續跟進愛女情況，指手術完成第二日，Katherine已不需用呼吸機，但腸道仍然腫脹、胃喉抽到綠色液體，需要用止痛藥及抗生素。至上周五（19日），媽媽表示：「今日開始畀少少水佢飲，腸冇咁脹啦！綠色胃液仲係比較多，所以想再觀察一下。繼續落緊營養奶，今日有一次大便。醫生話啊，Katherine冇用止痛藥，因為Katherine冇痛嘅表達，好厲害！」

Katherine情況一日比一日進步，上周六（20日）拆除尿喉，嘗試自己排尿，

「因為醫生擔心啱啱掹尿喉，有機會唔識自己屙，所以想要觀察多陣先！另外呢幾日都冇發燒，個抗生素打到星期一凌晨就會停。Katherine好叻女，要快啲出ICU！每次離開你嘅時候你都喺度喊，一個人喺病房入面真係好慘！」

所幸至昨日，媽媽報喜指愛女已於當日中午12時出ICU，返回普通病房，並向大家表達謝意：

「感謝大家為佢祈禱嘅每一個人！今日開始飲奶！希望可以快啲食到嘢出院！」

集氣祝福︳曾患神經母細胞瘤抗癌成功 16月大B女現後遺症再做大手術，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂