陳奕迅變身「陳家謙」唱《今日》搞喊林家謙 現身紅館疑為年尾個唱試水溫

久未在港露面的陳奕迅（Eason），昨晚為林家謙第二場紅館騷擔任嘉賓。Eason激罕戴眼鏡扮成「陳家謙」上台，林家謙獲偶像撑場，感動得流下男兒淚，掀起全晚高潮。有傳Eason在今年年底舉行15場紅館跨年騷，未知是否藉今次任嘉賓演出，測試香港樂迷反應。

同場加映：痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

{{hket:inline-image name="_VIN1445.jpg"}}{{/hket:inline-image}}

{{hket:inline-image name="SA9_0089a.jpg"}}{{/hket:inline-image}}

林家謙的演唱會於上周五開鑼，是繼MIRROR演唱會嚴重事故後首個紅館騷。雖然今次舞台上空仍有透薄巨屏及喇叭，但舞台設計簡單，亦取消升降台及機關，台上只有代表林家謙的巨型眼鏡裝飾。家謙昨晚除找來C AllStar及林欣彤任嘉賓外，更獲偶像陳奕迅加持。一身粉紅造色型配圓框眼鏡上陣的Eason變身「陳家謙」，與家謙合唱《致明日的舞》，令全場觀眾high爆。Eason笑問家謙︰「正唔正我呢個『陳家謙』嘅look？你帶起咗（戴眼鏡）呢個潮流呀！我個眼鏡特登跟你買㗎！」家謙尷尬回應︰「下次我借畀你。」Eason笑說︰「問你借好過，我買貴咗。」

{{hket:inline-image name="E2.JPG"}}{{/hket:inline-image}}

{{hket:inline-image name="EOSR0993.JPG"}}{{/hket:inline-image}}

九年沒有踏上紅館開個唱的Eason，不脫「吹神」本色，他自爆在台下聽到家謙唱歌時哽咽，他也幾乎感動得哭出來；他又讚家謙︰「你真係幾靚仔喎！係咪呀？」現場掌聲雷動。Eason透露收到家謙邀請時立即答應：「林家謙係一個好值得大家錫嘅人，單係佢嘅音樂已經散播緊一種治癒。我第一次聽你嘅歌係《下一位前度》，尤其塞車嗰陣聽特別正，真係可以降燥。」他取笑家謙說：「我知你係怕醜草…但你心底裏都係賤賤哋，大家St. Jo仔（聖若瑟小學）嚟！」

{{hket:inline-image name="E1.jpg"}}{{/hket:inline-image}}

{{hket:inline-image name="SA9_0618a.jpg"}}{{/hket:inline-image}}

{{hket:inline-image name="SA9_9528a.jpg"}}{{/hket:inline-image}}

及後，二人拖手再合唱一次《致明日的舞》，Eason更特意送上神秘禮物，叫家謙在台上坐低做觀眾︰「佢真係唔知㗎！以下呢首歌我送畀你，送埋畀大家！」原來Eason以舊作《今日》鼓勵後輩，令家謙感動得雙眼通紅，流下男兒淚，認真驚喜。事實上，Eason前晚才在內地社交平台抖音開網上音樂會，同時亦有傳他將於今年尾假紅館舉行15場跨年騷；今次Eason任嘉賓試水溫，現場反應甚佳，估計跨年騷落實後，亦會掀起撲飛潮。另外，家謙個唱的主辦單位忽然宣布在本周六（27日）加開終極尾場，門票明晨十時開賣。演唱會總監馮貽柏預告今次加場會有「充滿希望座位表」，皆因有九成門票公開發售。

{{hket:inline-image name="SA2_3788a.jpg"}}{{/hket:inline-image}}

撰文：梁紹明