古巨基囝囝首次驚喜唱生日歌 爸爸冧爆狂啜Kuson古太排第二

日前係古巨基嘅50歲生日，有子萬事足嘅佢疫情下就同老婆囝囝喺屋企慶生，基仔仲分享囝囝第一次唱生日歌佢聽嘅片段，慈父樣出晒嚟！片段中仲見到基仔豪宅嘅內部環境，網民都大讚有品味呀！

同場加映：痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

古巨基2014年同女友兼經理人Lorraine結束20年愛情長跑，三年前仲誕下囝囝Kuson，基仔不時都會大方曬囝囝嘅可愛相，日前佢生日囝囝第一次唱生日歌佢聽，基仔好興奮咁喺社交平台同大家分享佢嘅喜悅，留言：「成為父親的第三個生日。有個小朋友唔畀爸爸出客廳話要準備一個驚喜畀我，數3聲先可以出去。媽媽和遮遮話原來Kuson 大早上已經在排練 生日歌+跳舞+送上Happy Birthday 橫額！😆上兩年我的生日Kuson還未太懂說話，所以這是我第1次聽他為我唱生日歌❤️也是我這輩子聽過唱好聽嘅生日歌！（第二好聽嘅係古太🤡）」

{{hket:inline-image name="270654951_1202774530132371_3952071555463238672_n.jpg"}}{{/hket:inline-image}}

羞仔大膽到將老婆排第二都唔係冇道理，事關Kuson真係太可愛。片中見到基仔一走出客廳，Kuson就又唱歌又跳舞，雖然冇章法可言，但就睇得出誠意十足，Kuson唱完之後仲好似好怕醜咁衝去門口前面想逃走，不過基仔爸爸就一手將佢抱住索吻，之後再狂啜仔仔，真係睇到都覺得冧！

之後囝囝再送上自己親手畫嘅生日卡，上面寫住「Happy birthday PaPa」，真係有咩辦法唔畀佢冧暈？由於囝囝通屋走，基仔為咗捕捉佢意外將豪宅嘅內部環境曝光！古巨基居於3,000呎半山區羅便臣道豪宅，片中見到佢嘅巨型客廳同房廳，就算梳化前放咗帳篷同大量玩具仍然空間感十足，而客廳以米白色為主調，其中一面牆以幾塊落地大玻璃組成，自然採光，整體感覺柔和，盡顯簡約品味。

圖片來源：Instagram