黃嘉樂迎娶Samantha金器似「十環」 唐詩詠馬國明再做兄弟幫手「開門」

現年43歲嘅黃嘉樂與攝影師未婚妻江惠賢（Samantha）今日（19日）結婚，2人將於香港麗思卡爾頓酒店舉行結婚晚宴，並筵開逾20席廣邀親友分享喜悅。

同場加映： 全城一叮｜ 林盛斌講明賽制唔似《殘酷一叮》 李君妍利穎怡組女團JAAY參加

{{hket:ul-video id="6357"}}{{/hket:ul-video}}

{{hket:inline-image name="8.jpeg"}}{{/hket:inline-image}}

黃嘉樂今日（19日）結婚，並於九龍站5星級酒店設宴，筵開逾20席。嘉樂於圈中人緣甚佳，兄弟團陣容鼎盛，包括許家傑、楊潮凱、李天翔、陳偉洪同埋一位圈外人，仲有「鐵馬家族」兄弟馬國明、林子善、而唐詩詠亦繼林子善婚禮後再反串加入兄弟團，不過今次就唔見「大哥」鄭嘉穎。

今晨眾兄弟浩浩蕩蕩去酒店接新娘，影一大輪靚相之後就上去接新娘，一班兄弟為幫手開門不遺餘力任姊妹「舞」。相中見到除咗詩詠之外，個個都不顧形象底褲面著，瞓身玩遊戲；為抱得美人歸，黃嘉樂單腳跪地，盡顯誠意。一對新人著上中式禮服，新娘子多對龍鳳鈪配大金豬牌，似足《尚氣與十環傳奇》入面嘅梁朝偉，派頭十足；另外仲戴上水滴型鑽戒，閃爆全場。

{{hket:inline-image name="201.JPG"}}{{/hket:inline-image}}

{{hket:inline-image name="200.JPG"}}{{/hket:inline-image}}

黃氏夫婦喺晚宴前接受訪問，黃嘉樂表示自己前一晚緊張到瞓得唔係咁好，而太太就表示因為太多事要處理，減輕咗佢嘅緊張感。提到接新娘時嘅情況，黃嘉樂自爆佢講第二句愛的宣言嘅時候已經忍唔住喊，佢深知只要講到佢哋嘅相處同埋相識經過，太太就會忍唔住眼淚會湧出嚟，結果老婆就就畀佢搞到又喊又笑。Samantha以一身Deep V晚裝現身，非常性感，原來呢條裙雖然係Samantha揀，但就係黃嘉樂最滿意嘅一條。

{{hket:inline-image name="600.JPG"}}{{/hket:inline-image}}

嘉樂又冧爆咁表示老婆「實在太愛佢」，指接新娘時一班姊妹都冇難為兄弟們，只係得兩個遊戲，子善仲嫌「唔夠喉」，原來係太太落咗Order：「唔係好多要求，唔好食嘢啦、唔好玩塊面、唔好搞亂個頭、唔好整濕件衫……不過全部都係搞笑、開心嘅。」嘉樂大讚老婆一向都好窩心，仲話由第一日識佢已經知佢娶得過！另外，嘉樂婚前幾日都仍然要開工，9成9嘅婚禮工作都係畀太太搞，真係一個超好嘅賢內助呀！至於婚後嘅造人計劃，嘉樂就表示要專注工作搵多啲錢先，而太太亦表示老公開心就可以，幾時造人都得！

圖片來源：大會提供