李璨琛囡囡李元元IG一朝消失 疑Lucy媽「流鶯」笑話出事被舉報

唔少爸爸媽媽都會為子女申請個人IG帳號，紀錄成長片段，而明星都唔會例外，其中李璨琛（Sam）同太太梁志瑩（Sophia）育有cute cute李元元（Lucy），阿媽喺阿女出世冇耐就為佢經營IG，4年間累積咗38萬followers，更有唔少廣告商搵上門，非常受歡迎！不過今朝早Lucy嘅IG突然消失，唔少人大感驚訝！

同場加映：朱敏瀚型在起跑線靠進修添內涵 喜見重用年輕演員打破青黃不接

{{hket:ul-video id="6335"}}{{/hket:ul-video}}

4歲嘅Lucy一向勁受網民歡迎，除咗因為佢可愛嘅外形同古靈精怪表情、嘅性格之外，仲因為佢媽媽Sophia用心經營佢嘅IG，幾乎每日一post令愛女人氣keep住強勁，而Sophia嘅啜核抵死caption亦受追捧，為大家帶嚟唔少歡樂。但日前Sophia嘅caption，有好事之徒認為「講笑講到過咗火位」，IG account仲疑似遭舉報而停權。

{{hket:inline-image name="1.jpeg"}}{{/hket:inline-image}}

本月12日，Sophia post囡囡坐喺一張矮凳上食蘋果嘅相片，Lucy身上着住專屬「經典」心心睡衣同一對婆仔拖鞋，非常老積，阿媽留言︰「廟街流鶯一枚 #喂呀你可唔可以着好對鞋先再講呀 #你咁樣係唔會有客㗎」。不過呢個留言就觸動咗一眾網民嘅神經，有忠粉留言「可唔可以唔好咁話Lucy」，甚至有人喺討論區出post大鬧佢「邊有阿媽話自己個女係雞」、「呢個玩笑有啲過火」、「唔好笑，幾歲女畀你話係雞」、「黐線老母」；講笑都惹來一堆「玻璃心」，有人揚言會向IG官方舉報，而今早Lucy IG亦告消失。

Lucy Fans見到佢IG消失咗，十分不安，Sophia今朝喺自己嘅個人IG回應：「其實呢我本人就冇delete到Lucy個account，係因為（官方指）Lucy is not old enough （Lucy年紀太細）喎...而比IG suspend（暫停）咗個account。處理中處理中，大家稍安毋躁 #我哋大家一齊念力希望個account可以早日重見光明 #LUCY會繼續喺度見大家」。

圖片來源：Instagram