傳足5年丨傳王浩信單方面申請與陳自瑤離婚 尋求婚姻輔導囡囡懂性察覺異狀

王浩信、陳自瑤（Yoyo）2011年奉女成婚，俊男美女配唔少人大讚係金童玉女，但5年前屢傳佢哋婚姻亮起紅燈，兩人從未承認。今日再有報道指王浩信單方面申請與陳自瑤離婚，正式結束11年婚姻關係。

同場加映：朱敏瀚型在起跑線靠進修添內涵 喜見重用年輕演員打破青黃不接

{{hket:ul-video id="6335"}}{{/hket:ul-video}}

王浩信、陳自瑤過往常以恩愛形象現身，自5年前傳出關係破裂，他們即時出席公開活動打破「傳聞」，卻是貌合神離。近年嚟，雙方事業上各有不錯發展，每次佢哋喺大型活動同場，都會成為傳媒焦點，但已經唔會大方企定定合照。

{{hket:inline-image name="172302c1ac335e11118aec0f5323ed46saasftp20200221.jpg"}}{{/hket:inline-image}}

有指去年他們打算修補關係，「合體」現身周麗淇派對，一家三口又去迪士尼享受家庭樂，互動的確比之前多咗。前排王祖藍帶埋王浩信北上，網上直播時，陳自瑤亦有畀emoji隔空支持。夫妻甚至求助婚姻輔導勉救垂死婚姻，女方接受另類療法紓解負面情緒。惟矛盾已太深，已經10歲嘅囡囡懂性，感受到父母之間嘅異狀。

王浩信主攻拍劇仲北上開拓市場，也有開設經理人公司，打算跟參加奧運會嘅香港劍擊運動員簽約。陳自瑤天性獨立，劇集綜藝雙線齊行。種種跡象顯示，兩公婆越走越遠，冇辦法再一齊行落去，協商下共同擁有囡囡嘅撫養權。《晴報》聯絡分別王浩信、陳自瑤，截稿前仍未有回覆。

撰文︰娛樂組