2022香港小姐競選-小城美誌丨朱希敏易容級P圖上電視認唔到 「翻版孫藝珍」梁超怡曾演梁朝偉囡囡

現年34朱希敏2009年參加多倫多華裔小姐選舉，進入最後五強，其後成為加拿大新時代電視節目主持人，曾於多倫多華裔小姐、新秀歌唱比賽等綜藝節目中擔任主持。2011年返港參加香港小姐競選取得亞軍。同年，代表香港參選於倫敦舉行的世界小姐競爭，期後參與飲食節目《香港美食100強》，之後就鮮少有幕前演出，非常低調。

同場加映：朱敏瀚型在起跑線靠進修添內涵 喜見重用年輕演員打破青黃不接

{{hket:ul-video id="6335"}}{{/hket:ul-video}}

不過尋日嘅《2022香港小姐競選-小城美誌》朱希敏就相約應屆港姐梁超怡一齊位於尖沙咀海旁嘅星光大道。有「翻版孫藝珍」之稱嘅14號佳麗梁超怡Joey同師姐朱希敏一樣都係海外回港參選嘅佳麗，朱希敏喺適應新環境、面對新挑戰方面都可以分享心得。

{{hket:inline-image name="9.JPG"}}{{/hket:inline-image}}

小師妹梁超怡有意將來投身做藝人，佢表示能夠喺星光大道打手印亦係佢夢想成就之一。梁超怡自爆佢嘅偶像係天王劉德華，曾經做小演員嘅佢2002年參與拍攝經典電影無間道，雖然佢係演梁朝偉同蕭亞軒囡囡，但都曾經喺片場見過劉德華，一圓夢想成為佢一生難忘嘅回憶。而師姐朱希敏覺得梁超怡個性成熟，希望佢經歷過《 2022香港小姐競選 》可以更加了解自己嘅優點同缺點。

過來人朱希敏近年冇再喺熒光幕出現，所以唔少人都大感驚喜！事隔11年朱希敏發福咗唔少，面形比起之前闊咗好多，不過一雙煞食長腿就依然keep到又幼又直。然而睇番朱希敏嘅社交平台，可以話係完全認唔到，因為朱希敏社交平台上嘅圖片非常「重P」，十足一個化重妝嘅混血兒，唔講都唔知係同一個人呀！