陳嘉寶與朋友飯聚餐廳擺大烏龍 笑到失控飆淚代價係收多$1200？

陳嘉寶（Anjaylia）同老公黃頌祈（Epaphras）結婚4年後三年抱三，不過依舊少女味濃，一啲都唔似三孩之母。Anjaylia好保護三個小朋友，從來冇曝光過佢哋真面目，不過Anjay都不時喺社交平台分享家庭照同日常趣事，日前佢就上載咗一條片段，睇到人忍唔住笑埋一份呀！

同場加映：朱敏瀚型在起跑線靠進修添內涵 喜見重用年輕演員打破青黃不接

{{hket:ul-video id="6335"}}{{/hket:ul-video}}

片段一開始就有一把聲講「Happy birthday Anjaylia」，之後就見到Anjaylia同佢老公面前有一盒「七星伴月」月餅，兩個已經笑到不能自已，而佢哋現場嘅朋友們就開始七嘴八舌，「佢哋頭先問我個蛋糕使唔使切」、「個蓋去咗邊呀」，更加開始一齊唱起生日歌。

{{hket:inline-image name="49440955_775043996195228_2003511694288305234_n.jpg"}}{{/hket:inline-image}}

Anjaylia鏡頭外友人話：「頭先我搲晒頭，佢哋（侍應生）拍我膊頭，問我個蛋糕使唔使幫你切，跟住我話我冇蛋糕……」笑到就快喊嘅Anjaylia用高八度嘅聲音話頭先侍應生亦問佢呢日係邊個birthday，因為佢哋擺低咗個蛋糕喺度，而Anjaylia就一啲頭緒都冇，身邊朋友就搭嘴：「邊個生日，一係過晒，一係未到……」Anjaylia就話佢當時回答侍應生：「死喇我唔知……我話我唔肯定喎，一係你求其切咗上嚟先。」Anjaylia為怕破壞驚喜，佢就話真係唔好問啦，都唔知邊個。

Anjaylia留言為呢個搞笑場面解釋：「請原諒我面對呢個驚喜嘅失控…(話說當時我已經幾杯到肚，本身就個人好high🍷)事緣品牌寄咗盒月餅去公司。而噚晚我剛好同親愛嘅一班同事晚飯，佢哋好貼心咁幫我喺公司拎咗去餐廳，等我食完飯可以拎返屋企。但因為啲位太窄，盒餅又太大，所以同事入座嘅時候麻煩餐廳嘅外籍侍應們幫佢哋搵個位擺住先…然後…貼心嘅侍應們就畀咗我呢個驚喜🥰特此紀念🥮」

Anjaylia老公喺片中都好幽默咁問：「使唔使切餅費……切幾多個餅費，百五蚊一個好貴。」Anjaylia續指全間餐廳侍應都係外國人，所以唔知呢盒係月餅，而佢哋都真心認為Anjaylia好感動所以佢哋都好開心。而之後一班真心以為Anjaylia生日嘅侍應生再奉上一個餐廳嘅蛋糕，呢個烏龍真係擺得好開心呀！

圖片來源：Instagram