洗米華還押路環監獄22日後開審 周柏豪生日罕有細搞爸爸缺席

澳門太陽城集團創辦人周焯華（綽號：洗米華）去年11月被控創立及指揮犯罪集團、清洗黑錢及非法賭博，包括在線上經營澳門賭場遊戲室等罪名。據指案中涉及的非法博彩金額逾8千億港元，而控方證人將超過90人。 

同場加映：趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

澳門檢察院早前表示被捕人士分別涉嫌觸犯參加犯罪集團罪、領導犯罪集團罪，兩項罪名分別最高可判監10年及12年，另外亦涉嫌觸犯清洗黑錢罪，以及不法經營賭博罪，分別最高可判監8年及3年。 澳門司警採取拘捕行動後，周焯華等人經超過14小時偵訊後，澳門刑庭法官接納檢方建議，對周焯華採取羈押強制措施，送往路環監獄，已定於9月2日在澳門法院開審。

{{hket:inline-image name="3.jpg"}}{{/hket:inline-image}}

洗米華外形Sharp醒靚仔，曾有商界古天樂之稱，而佢最為人熟悉嘅係同名模Mandy Lieu一段極為高調嘅婚外情，Mandy Lieu為佢誕下4名子女，不過糾纏多年後二人都係分開，Mandy Lieu亦定居英國，生活寫意。

洗米華2019年後返到老婆身邊，家庭風波終於解決，回復平靜。洗米華當年即使鬧婚外情期間，都從不缺席家庭派對；不論係老婆、老竇、阿仔，定係阿女嘅生日，一家都三不五時會大搞聚會。不過今年洗米華被羈押，阿仔周柏豪嘅生日就成為例外。

日前洗米嫂Heidi post出同阿仔慶祝生日嘅片段，有別於往年「大堆頭」派對，今年只係同Heidi、細妹以及幾個朋友簡單切蛋糕吹蠟燭。雖然冇以往咁奢華鋪張，但片中見到Heidi一家都好開心同溫馨；而26歲嘅洗米仔周柏豪搣甩肥仔身形後亦越大越似爸爸，有型咗好多。

圖片來源：Instagram