黃依汶囝囝越大越型超有明星相 價值$1200陳國坤陪陳真畢業

黃依汶（前名：黃伊汶）在2009年息影從商，2014年嫁演員陳國坤（小龍）並於峇里島完婚。2016年黃依汶誕下兒子陳真後，老公陳國坤主力北上工作。兩年前，黃依汶毅然決定賣走佢一手一腳搞起嘅「親生仔」手錶生意，專心照顧家庭。唔經唔覺陳真已經6歲幼稚園畢業，黃依汶對自己當初嘅決定無怨無悔！

同場加映：陳凱琳未敢帶兩兒飛加拿大探弟弟 張馳豪拍劇演陳瀅初戀男友

{{hket:ul-video id="6312"}}{{/hket:ul-video}}

黃依汶post出陳真幼稚園嘅畢業照，已經6歲嘅囝囝已經冇晒baby樣，輪廓出晒嚟非常靚仔有型，仲有一個酒凹仔，已經可以預視到佢會超受女仔歡迎！雖然爸爸陳國坤正身處內地工作，未有現身，但黃依汶就帶住老公嘅人形模型一齊去影相留念，並留言：「畢業了！ 感恩這些年都能好好陪著你。#畢業照依然有爸爸」唔少網民都將重點放咗喺阿仔嘅超高顏值上面，留言：「細細個就咁靚仔，再大啲不得了。」、「拎晒爸爸媽媽嘅優點。」、「基因真係勁好。」

{{hket:inline-image name="298753883_549906273488273_8510531662819220646_n.jpg"}}{{/hket:inline-image}}

另外，原來呢個爸爸嘅figure係出自2017年嘅網絡電影《反黑》，電影以1980年代皇家香港警察為背景，講述香港黑社會與當時政治部的關係。陳國坤喺戲中飾演高級督察張少鈞，官方更為佢哋推出人形模型，手工非常精美，見現時網上仍索價$1230，有二手網站更炒至$1700一個。

黃依汶曾於陳敏之YouTube節目《Chi Chat》接受訪問，講述自己為人母嘅心路歷程：「冇人天生識湊仔，我係睇好多育兒書，我仲會儲起一啲有道理嘅文章去提醒自己，用咩方法去湊小朋友先啱。因為生咗小朋友出嚟，我哋要對佢負責任，教育小朋友有一個好嘅習慣，自然會影響到佢，擁有好嘅性格。」直至2020年年初，佢更將品牌賣出，黃伊汶表示：「難得有人賞識呢個品牌，希望可以將品牌帶到去另一個地方，上年開始stop咗手錶生意，真係喺呢一年，我先可以專心去湊大陳生同小陳生。」