楊思琦喪拍抖音片挑戰「下限」 騎呢走音被負評：影衰香港小姐

2001年香港小姐冠軍楊思琦出道時予人「純純兔」感覺，更「紓尊降貴」同當時仲係寂寂無名嘅李泳豪交往9年，形象一向都唔差，更備受TVB力捧。不過直至佢單方面向外宣布同李泳豪分手，更疑似同前港隊跳水運動員吳帥未婚先孕，形象直插谷底，近年思琦可以話係做咩都錯，日前佢喺社交平台post抖音片，就被網民狂插兼批評，如人飲水冷暖自知，毫不留情呀！

同場加映：趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

思琦誕女後曾經回巢TVB，又再次於2014年離開，之後北上積極發展，不過就冇再拍戲，認為做主播可以好舒服咁做返自己，希望可打入內地主播市場。佢曾經分享一條喺廣州上下九步行街介紹「打卡」地道小食嘅影片，就被網民直斥佢缺乏防疫意識，又指其反應過份浮誇。而近日佢就頻頻分享一啲唱口水歌嘅抖音片，同樣冇贏得大家嘅歡心，反而惹嚟更猛烈嘅批評！

{{hket:inline-image name="230.JPG"}}{{/hket:inline-image}}

呢條被插嘅片段中，思琦開爆filter，不過都認得佢嘅靚樣，佢一邊唱林志美嘅《初戀》，一邊跳一啲簡單舞步，幾乎每個動作都甩beat，落樓梯時仲好似跣到咁，十足去咗老人院睇茶舞咁！最驚嚇嘅係每個字都唔啱音，聽到人耳朵流產呀！唔少網民都留言大鬧：「請問是否對音準完全沒概念」、「好難聽」、「楊思琦...唔適合你唱，救命聽吓自己把聲音怪怪哋...繼續加油，要練歌多啲唱得好啲」、「不適合你的風格，不倫不類」甚至有人攻擊佢行為古怪：「一次比一次覺得你智力有問題」、「香港小姐嘅精神都畀佢搞到cheap晒」、「好騎呢，睇到好尷尬」、「影衰香港小姐」。

思琦嘅演藝事業每況愈下，一切由佢當年狠飛豪仔開始︰當年公開哭訴自己喺李家不受尊重，又指需資助李泳豪日常生活。當時，李泳豪哥哥李泳漢直斥佢係「披著羊皮的狼」，指有證據拆穿對方嘅大話，但基於佢肚中寶寶有機會係李泳豪而冇公開。

2012年，思琦誕下囡囡楊卓穎，個女跟自己姓氏，拒絕透露經手人身分。2020年思琦再度懷孕誕下兒子Kody，承認同圈外人喺美國註冊結婚，而佢老公亦從未曝光，唔少網民都質疑佢老公係「虛構人物」；思琦就一於少理，繼續搵食養家至上。

圖片來源：Instagram