謝霆鋒+張栢芝竟然等於趙永洪？ 大仔Lucas15歲生日罕有見全樣

現年42歲嘅張栢芝一向都樂於分享佢嘅日常生活片段，不過大仔Lucas自從踏入青春期之後，栢芝就開始保護佢隱私，冇再post出佢嘅正面照。而噚日係Lucas嘅15歲生日，廿四孝媽媽栢芝同佢慶生之餘仲大曬二人合照，令囝囝全樣罕有曝光。

同場加映：  《FRENEMY》演唱會｜張天賦洪嘉豪組「賦豪CP」是敵是友相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

張栢芝噚日於IG限時動態post出多張同大仔二仔嘅合照，並留言「Love you forever」。原來噚日係Lucas嘅15歲生日，一向保護兒子隱私嘅栢芝罕有post出見到囝囝全個樣嘅合照。相中栢芝戴住太陽眼鏡、漁夫帽同口罩，包到冚晒，真係阿媽都未必認得；而Lucas則係著白Tee加鮮紅色外套，加埋一個爆炸頭勁搶眼。Lucas同阿媽食飯仲戴住耳機，真係好有青春期嘅「風範」，Lucas靦腆咁笑，谷出一個酒凹仔，已經冇晒bb樣，開始滲出「男人味」。

{{hket:inline-image name="53364ce52ee9db7e6c8129bcadbc7984.jpg"}}{{/hket:inline-image}}

另一張相就見到兩母子同弟弟平排，明顯見到Lucas已經高過阿媽半個頭，栢芝都忍唔住表示：「一路沿著車程在想15年前的今天，你還在我的肚子裡準備出來，但感覺好像昨天一樣。」感嘆時光飛逝。

栢芝久違地曬出同Lucas嘅合照，引起好耐冇見到Lucas嘅網民熱烈討論，唔少人都覺得佢比起細個嗰時變咗好多：「越大越唔似霆鋒」、「好不羈的感覺」、「點解大大下似趙永洪」、「好似似多咗媽媽！」大家又大讚栢芝多年嚟父兼母職好偉大，又指栢芝用時間證明一切，對呢位好媽媽另眼相看。

張栢芝2006年同謝霆鋒結婚，翌年誕下Lucas，3年後再生二仔Quintus，可惜同霆鋒喺2012年離婚。2018年栢芝又喺冇預警下宣布誕下第三胎兒子Marcus，不過Marcus生父嘅身分未明，栢芝嘅感情生活亦成謎。