街市陷阱 ︳買$30豬肉切足$50攪碎焗買 將軍澳蠱惑豬肉檔遭街坊群起聲討

街市買餸最怕遇上不老實店舖，有將軍澳街坊訴說近日光顧寶琳街市一間豬肉檔，原本買30元豬肉，店員卻切50元豬肉兼攪碎「焗要」，事主拒絕，對方即黑面。她深感不忿公開經歷，未料網民紛紛留言，形容曾遇同類情況，甚至直指該店員疑為「慣犯」。

同場加映：
管家王 ︳300呎單位加閣樓變多一房 專家拆解造閣樓6大迷思

{{hket:ul-video id="6259"}}{{/hket:ul-video}}

近日一名將軍澳女街坊在Facebook群組「將軍澳主場」發文，指早前到寶琳街市一間豬肉檔買30元豬肉，但店員就「切咗50幾元焗我要」，當時事主不希望小事化大故沒有計較。

然而上周四（7月28日）她再次光顧時，對方卻重施故技，「我買30元半肥瘦，又係呢個阿姐，係冇問我嘅情況下，佢叫人幫我攪碎嚿肉……當時我攞緊錢未有留意，當我畀完錢之後想攞嚿肉，佢話已經攞咗去攪碎，仲想焗我要。」

事主深深不忿，決定企硬拒絕接受，未料對方立刻變臉，「呢個阿姐就畀晒面色我睇！求其切咗嚿瘦肉畀我……」事主最終無奈接，「炒瘦肉都可以，就算數走咗。」直至晚上煮餸才發現中伏，「晚餐炒咗啲肉嚟食，先發現硬到食唔到！」遂到網上公開經歷，提醒街坊小心，

「只怪我哋呢啲新晉C9（師奶）冇經驗，以後都唔想幫襯呢間買肉，大家都要小心呢個阿姐。」

{{hket:inline-image name="296472063_1419110611924441_5500462646385290117_n.jpg"}}{{/hket:inline-image}}

網民分享經歷

帖文一出隨即引來討論，不少街坊表示自己曾遇過同類情況，「我試過要買$50排骨，佢屈我要$100」、「呢個阿姐個朶響咗好耐！最鐘意亂咁收錢」、「成日都係咁，我又係買30畀50，話食唔晒唔要，就扮慘話切咗」。有網民就教路應對方法，「下次唔使講嘢㗎，走」、「下次想買50，同佢講買20」。

撰文︰陳潔雯

夏日水果︳將軍澳街市買山竹榴槤荔枝全軍覆沒 港婦呻：3磅山竹無2個可入口︳附4招揀靚山竹＋2種人注意食用分量，詳情即睇【下一頁】

街市趣聞 ︳荃灣生果檔買荔枝要求走枝被拒 街坊斥：我係買荔枝唔係買樹枝，詳情即睇【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】