MIRROR演唱會出事後12子沉默3日 隊長Lokman終發聲：我哋會互相照顧

MIRROR演唱會上周四（7月28日）發生嚴重意外，其中一名舞蹈員李啟言（阿Mo）遭巨型屏幕砸傷，入院4日仍於伊利沙伯醫院深切治療部留醫，情況危殆，維生指數穩定。伊院指，醫療團隊會繼續密切監察傷者的情況，提供合適治療，全力支援病人康復。而阿Mo的父母和親友，今早乘政府專車至伊院探病，逗留約2小時，但未有透露阿Mo現時情況。

同場加映： 《FRENEMY》演唱會｜張天賦洪嘉豪組「賦豪CP」是敵是友相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

MIRROR十二位成員當中，除了呂爵安（Edan）發過黑屏IG限時動態，以及邱士縉（Stanley）IG換上黑色頭像之外，其他成員都只是昨日（7.31）轉發舞蹈員的聯合聲明，而未有為事件發聲或者表達心情。唔少鏡粉大感憂慮，擔心偶像被禁聲而令壓力大增，亦擔心12子情緒崩潰。Edan今日凌晨於Telegram群組派大心心，算係向「爵屎」們報平安。

{{hket:inline-image name="271171739_424658819387772_3296801040377165469_n.jpg"}}{{/hket:inline-image}}

終於今日MIRROR隊長楊樂文（Lokman）也在IG發文，詳文如下：

我哋會互相照顧，大家唔駛擔心我哋。

呢一刻，希望大家集氣，祝願阿Mo，阿峯，Zisac早日康復。

好多謝好多人幫緊我地，公司上上下下、娛樂圈前輩同伴、熟悉嘅唔熟悉嘅，都盡佢哋嘅努力，都同我哋一齊。我哋自己都會睇住自已，唔使擔心。

畀傷者同佢哋嘅屋企人時間同空間。

祝福。

成員之一柳應廷（Jer）迅速轉發Lokman帖文，留言「大家都要take care（保重）」，Edan轉發時則留言「只求人冇事」；Stanley、江𤒹生（Anson Kong）、李駿傑（Jeremy）以及事發之後從來冇表達過心情嘅姜濤、盧瀚霆（Anson Lo）同陳卓賢（Ian）都有轉發帖文到限時動態，但就冇任何留言。另外，同MIRROR合作多時嘅排舞老師Rock Sir都有發文向24位舞蹈員、MIRROR以及花姐慰問，同時祈求阿Mo可以早日康復。

唔少粉絲同藝人都留言為MIRROR以及傷者打氣，Lokman帖文發出未夠一個鐘已經有過二萬個like，全城為佢哋集氣。

圖片來源：Instagram