痞子殿下丨陳瀅被周嘉洛真掌摑嚇到喊 「人生第一次被男人打」

無綫劇《痞子殿下》今晚首播，主演的周嘉洛、陳瀅及王灝兒（JW）等到商場宣傳。提到陳瀅在劇中被嘉洛掌摑，陳瀅大爆當初打算借位拍攝，但最後變成真打，嚇得她即時有淚光；惟鏡頭拍不到這一幕，令她大感不值。

同場加映：白色強人II丨劉溫馨入行9年樂觀看待事業 無分角色大小努力實踐夢想

{{hket:ul-video id="6258"}}{{/hket:ul-video}}

{{hket:inline-image name="DSC_3679.JPG"}}{{/hket:inline-image}}

{{hket:inline-image name="DSC_3527.JPG"}}{{/hket:inline-image}}

首次拍古裝劇的嘉洛透露，拍攝初期有一個簡單的睜開眼鏡頭，但最後竟拍了三小時，「拍到我懷疑人生，諗緊我係咪要返去拍《愛‧回家》，哈哈！」提到嘉洛主唱劇集主題曲《我就是主角》，他指是在活動上首次聽到，強調是監製找他唱，而並非自薦；身旁的陳瀅聞言即扮呷醋說︰「我有問過監製可唔可以合唱，但得到嘅回覆係『唔好』。我唔係想做歌手，但想滿足一下自己，但點知唔得。」

{{hket:inline-image name="DSC_3566.JPG"}}{{/hket:inline-image}}

{{hket:inline-image name="DSC_3584.JPG"}}{{/hket:inline-image}}

另外，嘉洛與陳瀅因拍《痞》劇而傳緋聞，但劇中陳瀅竟被嘉洛打，認真可憐。陳瀅直言感覺很不值︰「人生第一次被男人打呀！本來係借位拍，但點知變成真打，被佢（嘉洛）打嗰刻嚟唔切反應，當場有淚光，但個鏡頭影唔到覺得好唔抵。（當時唔還手？）初頭唔熟，但如果熟絡咗會打番佢先再拍，佢當日仲要大力到全場都聽到。」嘉洛即場向陳瀅道歉，他笑稱自己也是第一次如此大力打女人。陳瀅又自爆偷拍了很多嘉洛瞓覺的片段，笑指他開工時獲三個工作人員服侍，「一個負責托住佢個頭，一個幫佢整頭，一個化粧，我拍晒片㗎！」對於好友朱敏瀚剛失戀，嘉洛透露日前有相約對方、陳瀅及JW見面，順道開解對方。

採訪︰Pauline 攝影︰林良明