50歲張智霖患急性膽囊炎停工 工作室發文：已在醫院接受治療

現年50歲的張智霖（Chilam）近年長駐內地搵真銀，密密接騷上節目，做到冇停手。不過甚少失場嘅佢上月30日臨時取消原定工作行程，令唔少粉絲非常憂心。今日張智霖所屬工作室宣布張智霖患上膽囊炎，因此要暫停手上嘅工作。

同場加映： 《FRENEMY》演唱會｜張天賦洪嘉豪組「賦豪CP」是敵是友相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

張智霖所屬工作室今日喺微博發文如下：

致所有支持張智霖先生的粉絲朋友們，很抱歉地通知大家，原定於今日在杭州武林銀泰百貨舉行的見面會活動，因張智霖先生的身體原因，不得已臨時取消。

今日清晨，張智霖先生身體突發不適，隨即送醫急診，經過醫生的檢查和診斷，確診為膽囊炎。目前，張智霖先生正在醫院接受治療，所有的工作行程都將暫時延後。感謝大家的理解與支持，感謝品牌的理解，並配合處理活動的善後事宜，也請粉絲朋友們不要過度擔憂。

突發情況給今天等候見面會的粉絲朋友們帶來了困擾，工作室深感抱歉。期待儘快與大家更好的相見。

{{hket:inline-image name="2.jpg"}}{{/hket:inline-image}}

唔少粉絲特登去杭州為見偶像一面，不過佢哋都留言表示理解而且非常擔心，又指偶像嘅身體健康最重要，希望佢養好身子再同大家見面。

膽囊炎患者常見狀況係食完一餐豐盛嘅大餐後，肚會隱隱作痛，因此往往被認為係腹痛或食咗不潔食物，好多時患者食完胃藥同去廁所之後發現並冇緩解，過了幾個小時後，上腹部悶痛嘅感覺越來越強烈，甚至開始嘔吐同發燒先去睇急症。

圖片來源：微博