陳貝兒小時候紅館打躉同梅姐扮靚 放棄選美堅持做司儀獲益良多

陳貝兒近日接受車淑梅的電台節目《舊日的足跡》訪問，入行接近20年，原來貝兒自小已與紅星為伴，因為父親是著名音樂會監製陳永鎬，所以她經常在紅館「放暑假」。當年譚詠麟、梅艷芳在紅館開演唱會期間，她就在後台做暑期作業。「我覺得天王巨星好親切，佢哋喺台上發光發亮，台下就好似大哥哥大姐姐。我記得梅姐最鍾意帶我入佢嘅
化妝室，幫我戴上佢啲頭飾，嗰啲森巴舞嘅頭飾好靚。譚詠麟請我食好多嘢，而哥哥張國榮就最鍾意拖住我哋去食宵夜。不過，我從來冇諗過要去紅館開騷做歌手，有人想提名我參選香港小姐，但我最有興趣嘅都係做司儀。入行之後我未做過香港小姐（司儀），但做過香港先生（司儀），嗰次我同 Do姐（鄭裕玲）、千嬅合作，見到好多型男仲開心。」

同場加映：同場加映：白色強人II丨劉溫馨入行9年樂觀看待事業 無分角色大小努力實踐夢想

{{hket:ul-video id="6258"}}{{/hket:ul-video}}

無窮之路︳陳貝兒獲頒感動中國年度人物獎 透露籌備開拍兄弟篇姊妹篇【下一頁】

{{hket:inline-image name="cc.jpg"}}{{/hket:inline-image}}

{{hket:inline-image name="NBN.jpg"}}{{/hket:inline-image}}

陳貝兒跟重量級司儀汪明荃與鄭裕玲合作，非常欣賞兩位前輩的認真專業，從她們身上學到很多東西。「佢哋做咗咁耐，瞌埋眼都知道點做，但係佢哋嗰份熱情同投入就好似初入行一樣。佢哋會將台詞背到滾瓜爛熟，連我嗰份都背埋，根本唔駛要稿。而台前嘅形象更係聲色藝俱全，連指甲油都要襯晒套衫，呢樣我真係學到嘢。佢哋屹立不倒咁多年，我真係由衷佩服。」陳貝兒指汪阿姐很疼她，因為錄影廠特別冷，做司儀穿的晚裝又單薄，阿姐常常提醒她要貼暖包以免著涼，還細心地教她貼在最適當的位置，既保暖又纖巧不顯眼。她坦言好喜歡阿姐，而且愈來愈喜歡！陳貝兒也敬佩Do姐工作認真，笑指會請教對方養生之道，因為Do姐生活有規律，常處於巔峰狀態。

陳貝兒因主持紀錄片《無窮之路》而人氣急升，並獲頒「感動中國 2021 年度人物」和「最佳女主持」獎項。陳貝兒感恩獲此寶貴機會，讓她經常飛往異地開闊眼界，更自覺是個幸運女孩。她表示紀錄片中，一班過埠新娘勇於爭取幸福的愛情故事，以及內地貧困百姓抱着樂觀信念、咬緊牙關地過活的情況，均令她領悟到人生是否走向一條無窮之路，視乎自己用何種心態去面對生活。做人要接受自己的遭遇，而命運則是掌握在自己的手裡。「我拍了三集《嫁到這世界邊端》，我同呢班過埠新娘好似朋友一樣，我哋有個群組，好似同學會咁，經常都會互相鼓勵。」她說自己工作非常辛苦，不過在工作上卻不會追求舒服。被問及會否渴望遇上一位能打動自己的男子時，她答道：「真係要隨緣，我都相信緣份。而家我好積極咁去面對眼前嘅工作同生活，珍惜身邊所有屋企人、朋友，其實最重要嘅就係開心自在。」

{{hket:inline-image name="47358004_329945401174610_5679219068230120685_n.jpg"}}{{/hket:inline-image}}

萬千星輝頒獎典禮2021︳陳貝兒講得獎感受被周奕瑋打斷 無綫疑補鑊派潘盈慧再做專訪【下一頁】

提到正在內地拍攝的節目，陳貝兒透露這次會上山下海，走得更遠，挑戰更大：「今次我仲要潛落水底，當時我真係好驚好驚。不過，（從呢啲經歷）我想到生命，最重要係把握嚟到地球，以人類呢個身份去見多啲、學多啲。我係佛教徒，我相信有來生，如果你唔信有來生，亦都唔好辜負今生呢一次嘅旅程！」

{{hket:inline-image name="275456050_503857574512262_2471197037708618985_n.jpg"}}{{/hket:inline-image}}

{{hket:inline-image name="219644355_293204172593161_4653830982653752362_n.jpg"}}{{/hket:inline-image}}

{{hket:inline-image name="248098548_950830032312822_4982040576903196239_n.jpg"}}{{/hket:inline-image}}

{{hket:inline-image name="71227668_3109832835757529_1825335282742456519_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉