MIRROR演唱會丨 Frankie墮台鏡粉聯署施壓主辦方 Dancer周身傷靠AK請「軍醫」睇埋

MIRROR首個紅館騷已經夠Quali開足12場，不過僅僅開騷兩日，已經發生咗唔少意外，噚日其中一位成員Frankie更加墮台受傷，嚇到Fans們鼻哥窿都冇肉呀！今日一班鏡粉發起聯署，向主辦方施壓，希望佢哋正視舞台安全問題！

同場加映： 首個紅館演唱會丨MIRROR化身全白紳士空降紅館 挑戰高難度半天吊好牙煙

{{hket:ul-video id="6222"}}{{/hket:ul-video}}

{{hket:inline-image name="7.jpeg"}}{{/hket:inline-image}}

鏡粉發起聯署聲明如下：

「全港鏡粉對MIRROR首個紅館演唱會期待已久，但開始前一天卻驚聞有舞蹈員受傷入院，揭發不但排練時間不足，各機關的安全性亦成疑，演出人員之安全並未得到保障。

直至昨天正式演出，整個過程險象環生，今天第二場Frankie更叉錯腳跌下舞台，情況令人擔心！

現希望主辦方正視問題，保障所有表演者（包括MIRROR 12子及所有舞蹈員）等之安全，在未能提供適當安全措施前，請考慮暫停使用非必要之機關或升降台。相信入場鏡粉寧願眾人在平地演出，亦不想有人因此受傷！

希望各關注此問題的鏡粉一同聯署，促請主辦盡快回應。

其實主辦單位已經有作出些許改動，第一日演唱會十二子喺冇用安全帶情況下走上「平衡木舞台」，佢哋喺不足一米闊升高咗嘅台上走動，期間姜濤同Edan呂爵安都幾乎差錯腳，睇到Fans們都一額汗。十二人嘅重量喺上面跳跳紮，仲明顯見到舞台搖搖下，佢哋又要型又要chok咁放心喺呢個唔太穩陣嘅舞台上跳舞，真係一個玩命挑戰。幸好第二日已經棄用呢個舞台，十二子唔使再離地表演，Fans先可以定少少。

另外，成日抽水嘅林作尋日拎Frankie嚟Make noise，留言：「我不怎麼知道 Frank 是誰。但我記得卓別林說過，在舞台上跌倒的那一下子，會比起你多麼暢順地表演出彩排好的東西獲得遠遠更多的掌聲。我相信這是Frank最紅的一次。Well done! 加油！」唔少人都嬲爆留言話佢冇同理心，睇嚟佢又成功呃負評。

{{hket:inline-image name="a0e21327894ea36f86c1e3b35ebcdedf.jpg"}}{{/hket:inline-image}}

Frankie同另一位成員Anson Kong（AK，江𤒹生），喺開騷前於IG限時動態貼出「黑圖」，又發帖，「第一次係意外，第二次係大意，第三次係疏忽。」有傳佢哋對工作人員疏忽，導致一名舞蹈員綵排時受傷非常不滿。今日有一名舞蹈員貼出限時動態多謝AK請MIRROR嘅醫療團隊睇埋Dancer，令人質疑公司「刻薄」表演者，要AK自己扲荷包畀Dancer睇醫生。有Fans戥AK心痛，喺fans群組慰問AK，得到佢親自回覆：「公司出錢的，我只是提議，希望大家繼續Enjoy the show，我哋會繼續努力。