「羊系男友」洪卓立365日寵愛女友 Hillary認愛後頻放閃：幸福感滿滿

「膠戰女神」劉沛蘅（Hillary）同男友洪卓立早前終於公開戀情，自此二人不時於社交平台放閃。日前Hillary喺社交平台同網民玩你問我答，網民都對二人嘅情侶生活非常好奇，Hillary都好大方咁分享二人甜蜜戀事，睇之前真係要戴定黑超護眼呀！

同場加映： 首個紅館演唱會丨MIRROR化身全白紳士空降紅館 挑戰高難度半天吊好牙煙

{{hket:ul-video id="6222"}}{{/hket:ul-video}}

甜美可愛嘅Hillary拍《膠戰》儲咗好多好錫佢嘅Fans，日前佢「開放」限時動態畀fans提問，其中一位fans問到：「好想知道立立錫唔錫你，你哋一定要幸福！」Hillary隨即post出立立為佢吹頭嘅短片，留言：「佢唔錫我點同佢一齊呀。拍咗十幾個鐘嘢收工返屋企攰到癲，搵到個肯幫我吹頭嘅男人都唔錯。」又有人問立立做過最貼心嘅一件事係咩，Hillary就貼出立立留畀佢嘅甜蜜Memo，留言：「He's always so sweet！（佢成日都好窩心！）」

{{hket:inline-image name="286068983_2032517603803082_4853866736264614041_n.jpg"}}{{/hket:inline-image}}

不過愛情嘅嘢當然唔可以單方面付出，Hillary本身都係一個好sweet嘅女仔，有網民問佢為男友做過最sweet嘅事係咩，Hillary就咁答：「佢唔開心嘅時候通常都會收埋自己唔想講嘢，我都唔會嘈佢。其中一次我就喺佢會行過/見到嘅地方，用我嘅方式話畀佢知我會默默支持佢。（雖然佢隔咗幾日先睇到）我哋Sweet嘅嘢其實多數係生活嘅瑣碎事，而呢啲小事／小情趣係會令我哋段關係幸福感滿滿。」

最搞笑嘅係Hillary冇女神「偶包」，自爆同立立係因為打牌認識，非常可愛。洪卓立而家都會不時上載自己為女友影嘅靚相，早前post出Hillary攬住3隻愛犬，另一張就疑身在餐廳內睇餐牌，立立眼中嘅Hillary真係寧舍靚呀！唔少人都話佢哋有夫妻相，希望見到佢哋可以修成正果，娛圈中可以得到咁多祝福嘅愛侶真係唔多，睇嚟「對的人」真係可以令「1+1=3」！

圖片來源：Instagram