豬肉檔威威北上做義工被捕獲？ 孫耀威抵38°C高溫與妻高調撐醫護

現年49歲嘅孫耀威同太太陳美詩長居内地，好少喺香港幕前出現，會經常網上直播同粉絲互動。5月時佢透露返香港探望老父，短短9天，就因工作又去到深圳隔離。日前佢同太太齊齊做義工，一身造形有人誤認佢係另一位「名人」。

同場加映首個紅館演唱會丨MIRROR化身全白紳士空降紅館 挑戰高難度半天吊好牙煙

{{hket:ul-video id="6222"}}{{/hket:ul-video}}

日前孫耀威同太太陳美詩突然出現喺廣州街頭，被網民捕獲，相中見到兩公婆有勁多人隨行，二人拎住一袋二袋，原來都係想送飲品，慰勞喺38°C高溫下着住保護衣工作嘅醫護人員。佢哋兩公婆亦接受咗電視台嘅採訪，係喺鏡頭下做善事始終太過高調，網民質疑佢做show。

{{hket:inline-image name="006yc6dHgy1h4fjt540waj30u0140al0.jpg"}}{{/hket:inline-image}}

而另一個焦點就落喺孫耀威嘅外形上面，向來chok爆嘅佢係「童顏」男藝人嘅代表，不過呢日就大跌watt嘞，身形比起之前脹咗一個圈；另外佢金色頂黑底嘅新髮型都洗甩咗佢一向嘅書卷味，變咗有啲江湖味！

而最啜核嘅係戴KF94紅色口罩嘅孫耀威，竟然同豬肉檔威威（劉宋威）撞樣撞到呯呯聲，唔認真睇嘅話真係會以為劉宋威北上做義工！「真·威威」現身，唔少網民都話接受唔到孫耀威撞樣劉宋威，不過就好期待見到佢哋同場，玩「真假威威」遊戲呀！

撰文：黃蘊姿