乘風破浪3 | 薛凱琪輸比賽拒轉組爆喊扭計 成功留低網民不滿：賴皮要人遷就

內地綜藝節目《乘風破浪3》最後一次分組，由於上一集薛凱琪（Fiona）所在組別落敗，因此其他三組有權邀請敗隊嘅一位成員加入，而被選擇嘅人係冇權利拒絕嘅。不過Fiona就爆喊扭計，最後仲「打甩」埋轉組，唔少網民都覺得佢誇張兼自私。

同場加映： 童時愛上你丨高海寧曾劇接劇愧感人生零進步 勇敢做自己：不再為別人而活

{{hket:ul-video id="6212"}}{{/hket:ul-video}}

比賽中排名第二嘅王心凌隊想選擇一位主唱加盟，經過商議後意屬Fiona同郭采潔，不過當Fiona一聽到隊長譚維維話王心凌可能會揀佢嘅時候，佢即刻掩面爆喊，望住對方講：「不要」，又對自己嘅組員反覆表示：「我真的不想走……」

{{hket:inline-image name="4.jpeg"}}{{/hket:inline-image}}

眼淚原來唔止對男人有用，王心凌隊眼見Fiona喊到妝溶又抽搐，最終選擇咗舞蹈家唐詩逸加入。得知自己唔使離開原隊，Fiona再度爆喊，更一邊走向王心凌隊道謝，攬住阿Sa、阿嬌等不停講「多謝」，在場嘅人都畀佢搞到有啲眼濕濕。

《乘風破浪3》播出以來，幾乎每一集Fiona都會落淚，佢都曾承認自己眼淺：「花灑，眼淚天天墜落。」但佢就話而家大部分眼淚都係堅強嘅淚，同埋現時嘅佢好容易覺得感動，Fiona表示：「人不知道過了甚麼年紀之後，覺得甚麼都很感動，你就會發覺甚麼很多東西都很難得，因為我覺得我是更加地懂得去享受生活給我的每一個緣分。我覺得甚麼都很美，都很漂亮。」

雖然Fiona一直以嚟都好多正評，網民亦覺得佢幾可愛，不過今次大家就覺得太over。有網友認為既然參與節目，就應該遵守規則：「挺喜歡薛凱琪，就是為甚麼別人要遷就你呢」、「隊友被調走又會開心嗎？」、「太造作了，至於嗎？每次都是她，真的」、「哭成這樣我真的很不理解 」；但亦有人覺得Fiona重感情，表現非常率真。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】