夏日炎炎｜學者提醒熱天行山勿「搵命博」 體力不足時應休息再下山

本港近日天氣炎熱，相繼有行山人士樂極生悲。香港教育大學健康與體育學系高級講師雷雄德今早在電台節目表示，酷熱天氣下行山要注意體能狀況、器材裝備、應對方案3項風險管理，而近日有市民「出事」的地點包括蚺蛇尖及鷄公嶺，兩者都有一個共通點，「啲山都光禿禿，太陽直曬，要直接上山，冇得匿」，在有關情況下，體力能量消耗會比較快，增加中暑風險。

雷雄德續指，行山上斜能量消耗已是平時一倍，出現熱衰竭機會亦會較大，強調最重要是量力而為，「唔係代表香港比賽，唔使搵命博，要懂得放棄，落番山」。

雷提醒，中年人士風險較高，能量消耗大的情況或會誘發慢性隱疾，當預視到體力不足時就應先休息，讓體溫下降後下山。他又提到，若天氣熱、水溫高，游水亦有機會中暑，國際泳聯訂明，一些在公開水域的比賽於水溫高過31°C便要停賽。

天氣酷熱戶外運動 , 加重心臟負擔 , 心臟病發風險增 , 詳情即睇【下一頁】

撰文：李卓謙

責任編輯：陳浩義