香港金曲頒獎典禮丨劉德華領唱炎明熹姚焯菲左右護法 訪問無懼提ViuTV望頒獎禮合併

《香港金曲頒獎典禮》今晚舉行，第一次由香港電台、無綫電視兩台一齊頒發樂壇獎項，由宣布之初已爭議聲不斷，最終鐵定在MIRROR紅館演唱會前一晚舉行。鄭欣宜、馮允謙、炎明熹、JW王灝兒等都有出席，而大會特別邀請到劉德華擔任嘉賓，他打頭陣率領一眾年輕歌手獻唱，由炎明熹、姚焯菲左右護法傍住合唱。

同場加映：童時愛上你丨高海寧曾劇接劇愧感人生零進步 勇敢做自己：不再為別人而活

{{hket:ul-video id="6212"}}{{/hket:ul-video}}

Gigi炎明熹入圍全球百大美女選舉 未有歸期 頒獎禮等埋佢先搞？【下一頁】

{{hket:inline-image name="do1.jpg"}}{{/hket:inline-image}}

{{hket:inline-image name="anlau.jpg"}}{{/hket:inline-image}}

{{hket:inline-image name="andy1.jpg"}}{{/hket:inline-image}}

華仔事隔多年再次現身TVB錄影廠，大感興奮，他在後台接受訪問時表示：「好特別！兩個台夾埋一齊頒獎，好似第一次，搞到我又好似做番新人咁，想衝出去同佢哋唱《17歲》！（換上新歌詞寄語疫情早日過去？）真係希望早日過去，世界總有困難要經過嘅，冇問題嘅！」這次獻唱令華仔憶起許多年前錄影《勁歌金曲》時氛圍。問到是否曾志偉開口邀請？他表示：「最初討論呢件事時，何麗全已經搵我，兩位都有正式搵過我。我同新人合作比較少，希望將來可以多啲，好多新歌手出現，我都有留意，大家畀心機。（有冇留意MIRROR同ERROR？)都有，都好希望有機會合作。」

問到華仔是否心癢癢想拍劇？他說：「以前都有咁嘅諗法，我都鍾意拍劇嘅。至於出歌，我覺得有機會，我對自己嘅歌有信心，2023年努力！」這次兩台合辦頒獎禮，華仔勇於表達意見，更無懼提到「對家」ViuTV，「我覺得當年即使各有頒獎禮，都總有『四台聯頒』。喺呢個資源下，我哋要團結，由兩台開始先，唔知可唔可以提呢？ViuTV、商台一齊搞一個，我出現喺呢度就係希望帶出信息。」

疑似演出名單流出丨 四大天王「合體」回歸25周年晚會 率領大灣仔After Class表演？【下一頁】

華仔透露會留港拍戲，隨後會到內地繼續拍攝工作，明年農曆新年前再返港，準備《拆彈專家3》的事宜。他表示未有計劃開紅館演唱會，但可能會辦小型音樂。提到陶大宇翻唱他的《倒轉地球》而再次爆紅，華仔說：「係呀！有日喺髮型屋撞到佢，希望佢唱多兩首啦，我下次演唱會請埋佢一齊嚟！」

{{hket:inline-image name="e78f6040-5657-477f-90e3-abbed8628777.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃寶蓮
責任編輯：楊安莉