林盛斌女自爆小四時有輕生念頭 曾對身形感自卑：因為咁要見社工

林盛斌（Bob）大女林霏兒（霏霏）細細個就同爸爸參與過綜藝節目，當時仲係幾歲人仔嘅佢表現有家教又生性，喺觀眾心中留下深刻印象。唔經唔覺佢已經14歲，之前曾撰下千字文為爸爸護航，行文流暢得體，非常成熟，不過原來EQ咁高嘅佢曾經喺小四有過輕生嘅念頭，令人相當驚訝。

同場加映：童時愛上你丨高海寧曾劇接劇愧感人生零進步 勇敢做自己：不再為別人而活

{{hket:ul-video id="6212"}}{{/hket:ul-video}}

霏霏日前喺IG開「心事台」，同網民傾偈排憂，其中一名網民就呻覺得自己冇樣好，非常自卑，霏霏透露自己都係過來人，仲自爆曾經有自殺諗法：「我都幾早熟，我四年班左右有一種自殺嘅念頭，嗰陣時就好大壓力好想死。當時嘅我剩低坐咗喺度諗，究竟我咁樣做其實係咪真係有效？我咁樣逃避真係解決到現況咩？解決唔到，所以我就尋找自己嘅興趣！」霏霏指佢最後發現咗自己原來好鍾意音樂劇：「我就會有時間聽吓啲音樂劇嘅歌沉醉喺自己嘅世界裏邊，每個人都有一個自己嘅世界，唔好抱怨試吓搵佢出嚟吧。」

{{hket:inline-image name="285384754_135353742172143_2561718891237856257_n.jpg"}}{{/hket:inline-image}}

霏霏仲對體態美有好成熟嘅見解，完全唔會盲目追求世俗眼光下嘅靚，仲教網民擺正心態：「鬆身衫我着咗好幾年你要欣賞下自己嘅美，例如搵自己身形，梨形身材、蘋果形身材，呢兩個身材都有佢哋嘅特徵，有佢哋嘅靚，我係梨形但係有肚腩，唔好嘅嘢都有晒咁，咁就搵吓啲啱自己身形嘅！適當嘅露可以建立好多自信。同埋要真係踏出一步，人生得呢一次咋嘛，玩咪玩盡佢囉。我完全明白你嘅感受我之前因為呢一樣嘢所以要見社工。但係發現其實自己先可以解決到自己呀。」

其實Bob嫂對小朋友嘅教育好上心，佢曾透露喺霏霏八歲時，已經參加一啲工作坊學習同青少年相處，為霏霏青春期做準備。當然每個小朋友都係一個獨立個體，點有可能一部通書睇到老呢？Bob嫂話霏霏開始進入青春期，情緒不穩定時，佢嘅處理方法都唔係好好；而佢越嚟越發現，養育小朋友真的是一個自我發現的過程，包括明白自己的自負與及執着等等。幸好到最後Bob嫂搵到作為媽媽嘅角色要點做，而霏霏都自己諗通。

圖片來源：Instagram