思家大戰丨吳偉豪由爸爸率領一門四傑玩遊戲 高顏值機師二哥曾同考藝訓班

24歲的吳偉豪（Ricco）被形容為TVB近年上位的小鮮肉，頻頻劇接劇，除了《愛回家之開心速遞》中朱凌凌一角深入民心之外，近日在《回歸》中飾演區家謙一角，展現另一種成熟感覺，為觀眾帶來驚喜。昨晚，Ricco帶同父母和三位兄弟一齊現身《思家大戰》進行錄影，五父子以「吳條煙」做隊名，吳家一門四傑顏值高之餘，仲位位都出類拔萃。

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

回歸丨朱凌凌二哥朱天梯由律師變助手 周嘉洛吳偉豪好兄弟反目成仇【下一頁】

{{hket:inline-image name="cef31d9b-3a16-4651-95d4-d86a45fb1bff.jpg"}}{{/hket:inline-image}}

{{hket:inline-image name="f256ed1c-d138-4358-ac97-8b97f3ff000e.jpg"}}{{/hket:inline-image}}

{{hket:inline-image name="229efb1e-9901-4cb1-a917-2d754eeb1ce7.jpg"}}{{/hket:inline-image}}

Ricco在家中排行第三，消息指30歲的大哥吳偉諾是消防隊長，二哥吳偉言是飛機師，弟弟吳偉傑目前仍在進修階段，暫時未知去向。Ricco笑言今次難得全家總動員亮相節目，絕對是第一次，全因爸爸吳大強的決定，本身是公務員的爸爸吳大強笑言：「我報名參加呀，佢哋事前都唔知呀，我講就一定應承！以前睇過美國、加拿大呢個節目，好懷念同有意思，我覺得好好玩！」爸爸話事，加上節目歡迎素人參與，所以全家上鏡都不敢Say No！

對於有網友將四兄弟背景起底，他們不太介意，大哥偉諾說：「唔好話起底，始終佢哋知我哋係四兄弟，一定感興趣，加上而家網絡好發達，好多都知道。」網友大讚一門四傑全部都靚仔，爸爸大強搞笑說：「我都唔錯呀！」四兄弟同意最靚仔其實是爸爸，提到Ricco入行做演員，爸爸說：「我哋好為佢感到驕傲，希望佢可以繼續好，多多學習，（視帝做目標？）希望啦，暫時要努力先！我睇《回歸》，我都好驚喜佢啲普通話講得好好，佢事前冇講我知！」大哥偉諾笑言平時Ricco在家中講普通話都普普通通，實在意想不到，「佢平時論普通話都好普通，知道佢去了解角色，知佢好努力去學習同練習，希望將來多啲機會發揮。」Ricco都坦言好感激全家人都非常支持他發展。

有種好男人│李佳芯開新劇竟然有個17歲仔？ 吳偉豪執二攤頂替黃奕斌演出【下一頁】

Ricco曾經透露跟二哥吳偉言一齊投考訓練班，不過最終哥哥已經交好大學學費，而放棄讀訓練班入行，現時據知二哥吳偉言是飛機師，雖然Ricco口密不肯確認，但二哥說：「二揀一梗係畀最靚仔個做，我而家發展都幾好，全家人都戥佢開心。」二哥身材高大顏值不輸Ricco，認真謙虛，問到會否有機會客串劇集，他們稱要看看節目出街後的反應如何，爸爸說：「拍劇我都可以諗吓！不過唔知做咩角色好，睇機遇啦！」

另外，昨晚《回歸》中，Ricco飾演的區家謙對弟弟區家健（周嘉洛飾）產生醋意，感覺媽媽雖然在身邊，但心始終愛錫弟弟，家謙更因意外飲醉，借機向家健發洩，兩兄弟口角後甚至打起上來。Ricco跟周嘉洛私下是好兄弟，沒想到今次要打交，不過今次Ricco的角色偏成熟穩重，跟《愛回家之開心速遞》中的朱凌凌大不同，他獲得不少觀眾大讚演技有進步。Ricco說：「我都好開心，觀眾接受呢個角色，我都花咗好多心思，監製同劇組設計個角色好好，成日指導我，透過佢哋指導先演到而家咁樣。（專心正劇？）希望有，而家拍緊《你好，我的大夫》，所有精神都集中喺呢個劇上面，唔想放棄《愛回家》但目前的確係拍少咗，(同周嘉洛一樣兩邊兼顧？）係呀，可以咁講！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

攝影：林良明
責任編輯：楊安莉