電視劇《I SWIM》播出一星期，男主角魏浚笙（Jeffrey）飾演的余浪沖獲得觀眾一致好評，本身是零死角男神的他第一次擔正演出，更跟女主角之一的袁澧林（Angela）有感情線發展，睇得觀眾份外投入。男方稱好壞評論都全單接收，作為新演員希望將來越做越好，最想跟偶像周星馳合作圓夢。
ViuTV新劇《I SWIM》話題十足，除了多位人氣偶像的肌肉放題外，Jeffrey的甩褲戲都成為話題焦點。雖然是圍繞男校游泳隊的故事，幸有Jeffrey同Angela純純感情線，為肌肉水戰的激烈賽事，帶來一點小甜蜜。Angela透露劇集本周會有段浪漫的愛情情節，「畫面真係浪漫，但拍攝過程非常辛苦，因為夜晚落水肺活量會縮細好多，辛苦但溫馨難忘。」
Stephen．傾丨Jeffrey演余浪沖夠自然觀眾大讚 為角色狠剃長伴23年胸毛【下一頁】
Jeffrey同Angela回想起齊齊落水的一幕，感覺都「猶有餘悸」，閉氣功力大減，NG好多次，來回落水六次，拍攝足足花了兩至三個小時。Jeffrey說：「導演好難得，陪我哋一齊落水睇Playback，工作人員都知我哋好凍好辛苦，準備好薑茶。我哋一上水就用毛巾包實我哋又照燈，個身暖得好快，不過轉頭落水又凍過。幸好唔使講對白，因為我感覺到自己、劇組上下面容已經扭曲晒！」
Angela坦言不敢穿比堅尼，「我怕大家唔想睇，今次除咗Fashion Suit之外，真係第一次拍嘢穿泳衣，一開始真係有啲怕醜，因為現場男仔比較多，而泳衣好少布，自己身材又唔係特別……顯著，哈哈！如果身材好啲行出嚟都夠晒自信啦！」
兩位第一次在電視劇裡合作，呈現兩小無猜的初戀感覺，Jeffrey不擔心女友會呷醋，至於Angela更坦白指Jeffrey不是她杯茶，「我覺得佢好專一，係好事嚟！佢唔係我杯茶嘅原因可能係太完美，因為佢同經理人（女友兼任經理人）喺熒幕前有種好穩定嘅感覺，冇人埋到佢身，但我反而覺得佢咁嘅條件會惹好多狂蜂浪蝶。我好怕麻煩，唔想搵個咁靚仔（拍拖），雖然我都鍾意靚仔，但佢真係太過激！」笑言身邊不少朋友都有討論過，男生們未必會妒忌Jeffrey，因為「距離」實在太遙遠，連妒忌也談不上。
口水多過浪花丨魏浚笙打破「花瓶」演技大獲好評 唔賣靚仔賣萌：覺得自己幾Cute【下一頁】
Jeffrey表示畀人讚靚仔當然開心，立志做一名出色演員的他，希望透過不同類型的角色，從中學習，發揮潛力，他對流浪漢等反差較大的人物深感興趣，「我同自己講要再努力多啲，我新人嚟吖嘛！要成功……終點好遠，真係要謙卑學習，自滿就大鑊！（劇集播出後得到不少好評）彈又好！讚又好！有評論就知下一次演戲應該點做，我係新演員，唔識得拿捏某啲位，睇完評論，有用嘅就保持住，唔好嘅都會照單全收。」
Jeffrey稱是周星馳的超級粉絲，這次拍劇亦有向偶像借鏡，「其實我人生都係有少少受周星馳影響，講嘢Style有少少似，由細細個睇佢電影，到長大成人，我都浸得幾深呀！成日背佢嘅對白，當同朋友一講起，對方冇反應，就知佢一定冇睇周星馳！」他笑言第三集「審問」幾個泳隊隊友是否扮鄰校女同學私訊他的一幕，他將自己代入《食神》中的周星馳，「觀眾唔知睇唔睇得出，我就係會忽然間上身！（想同周星馳合作？）如果有生之年，有得周星馳前輩學習，真係死而無憾，佢真係我偶像，一定獲益良多！」
髮型：@nickienick @orient4（袁澧林）
化妝：@makeupvanessa（袁澧林）
形象：@danitorial（袁澧林）
服裝：Shu Shu Tong（袁澧林）、Louis Vuitton（魏浚笙）
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉