全民造星V｜MIRROR及ERROR成員赴海外揀卒 網友唔buy開第五季：捧好前幾屆先

ViuTV選秀真人騷《全民造星》系列造就了組合MIRROR、ERROR、P1X3L和COLLAR，為娛樂圈加入不少新血，亦再次引起一股追星熱潮。《全民造星V》開拍在即，MakerVille今日舉行記者會，宣布招募詳情。花姐（黃慧君），ERROR正隊長肥仔（梁業）及副隊長阿Dee（何啟華）都有現身記者會，一同呼籲有興趣的朋友報名參加。

{{hket:inline-image name="viu.png"}}{{/hket:inline-image}}

同場加映：I SWIM丨吳海昕30歲視為人生幸運轉捩點 無悔選美：希望成績表唔好咁快停

{{hket:ul-video id="6119"}}{{/hket:ul-video}}

今年《全民造星V》有如第一及第二屆，只招收男參賽者；更增設溫哥華及吉隆坡兩個海外面試地點，目的是讓海外年輕人，有機會與香港年輕人一齊追夢。造星星探MIRROR正、副隊長Lokman及Anson Kong將遠赴溫哥華揀卒；而阿Dee、肥仔則親赴吉隆坡，四人分別走入當地電視台、製作公司、音樂學校及表演場地等不同地方，發掘有潛質參賽者，進行面試、初選。最後選出出線代表，在《全民造星V》舞台上一較高下！

記者會中播出招募片段，找來人氣組合MIRROR 12位成員幫手呼籲有志者報名，姜濤指：「今屆香港同海外年輕人都可以一齊追夢。」Ian更笑指想聽花姐用英文鬧人。Lokman說：「仲唔快啲報名？」

花姐在記者會表示將會繼續參與《全民造星》製作，但同去年一樣，不會擔任監製。被主持問到今次揀人標準？花姐就說：「開頭幾年搵靚仔、靚女，而家覺得才華、passion緊要過樣。」更說：「機會要自己掌握，有埋海外參賽者競爭更加大，把握機會實現夢想！」

{{hket:inline-image name="5.jpeg"}}{{/hket:inline-image}}

不過《全民造星V》招募的消息公布後，網民似乎不太贊成開拍第五季，指應先善用資源捧紅手頭上嘅組合及藝人，「好多新人舊人都未坐穩，叫佢哋去揀卒返嚟頂死自己？」、「應該停吓，捧好2至4屆嘅藝人先，物極必反呀」、「太濫喇，除非打破之前四屆傳統，第五屆唔再係鬥跳唱，否則唔應該咁快搞第五屆」、「咁快又造星5，會唔會太快？」、「雖然去海外招人係好事，但唔該搞掂咗自己啲人先！」、「已經開始悶啦，最重要係你有冇咁多資源畀到佢哋」、「其實真係唔好搞啦......搞好啲而家三團嘅Marketing先啦」、「年年都造星，變咗《香港小姐》？」

不過亦有網民贊成開拍第五季，「期待，希望可以發掘更多有潛質嘅人」、「都好嘅，搵多啲新面孔出嚟」、「追返近十年娛樂圈斷層」、「全民造星每年都要搞！」

COLLAR出道遇疫情靠直播聯繫Fans Candy爆：不斷食係為咗掩飾尷尬【下一頁】

娛樂組