前無綫新聞主播｜梁凱寧碩士畢業正式成為言語治療師 繼續做主持仲開埋廣告製作公司

前無綫新聞主播梁凱寧自離巢後作多方面發展，過去兩年除了做全職學生、實習言語治療師、兼職大學講師、同節目主持外，更成立了一間廣告及製作公司，瓣數非常多呀！

{{hket:inline-image name="279921226_560231545462334_2949217808594952106_n.jpg"}}{{/hket:inline-image}}

同場加映：I SWIM丨吳海昕30歲視為人生幸運轉捩點 無悔選美：希望成績表唔好咁快停

{{hket:ul-video id="6119"}}{{/hket:ul-video}}

而最近梁凱寧終於完成在中大醫學院耳鼻咽喉頭頸外科學系，為期兩年嘅言語語言病理理學碩士課程，她在IG表示如無意外的話，八月會正式開始言語治療師嘅工作。她亦指自己不會放棄幕前的工作，「我會繼續做主持，所以嚟緊都會繼續喺電視以及唔同嘅社交平台見到大家！」

{{hket:inline-image name="7567_600_600.jpg"}}{{/hket:inline-image}}

梁凱寧亦指自己在兩年前成立咗一間廣告及製作公司，為各公營機構、非牟利機構、商業機構、大專院校、社企等製作宣傳及教育短片，至今已經接過約30個大大小小嘅項目。她希望將來可以製作有關言語治療嘅教育短片，希望提高公眾對言語治療嘅認識，真係非常有意義！

不少網友留言大讚梁凱寧，「果然係十項全能」、「果然係才女一名！」黃婉曼亦大讚她好叻女，而蔡明思就笑言：「又叻又靚又善良！ 到底要做咩好事先可以生出咁好嘅女？到底要做咩好事先可以娶到你？到底要做咩好事先有咁嘅妹？」

前無綫新聞主播｜梁凱寧唔想入娛圈曾拒絕拍電影 身材好被網民叫出寫真集：阿媽會殺咗我【下一頁】

撰文：林惠珊