童時愛上你｜袁文傑趁胡楓大便衝入廁所鬧交 角色夠乞人憎成功甩潮偉暖男形象

由高海寧、張振朗、陳展鵬、糖妹（黃山怡）等主演的《童時愛上你》現正播出，昨晚播出的第13集，焦點落在雷董（胡楓飾）及 Raymond（袁文傑飾）兩父子權力鬥爭戲碼，兩人扯火對罵，七情上面勁有火花！

{{hket:inline-image name="2.jpg"}}{{/hket:inline-image}}

同場加映：I SWIM丨吳海昕30歲視為人生幸運轉捩點 無悔選美：希望成績表唔好咁快停

{{hket:ul-video id="6119"}}{{/hket:ul-video}}

劇情講到一直「癡呆」得相當飄忽的雷董為了阻止 Raymond當上「朗寧振海」主席，向曾頂替Raymond食死貓坐監的 Wilson（鄭啟泰飾）埋手，要求Wilson爆Raymond黑材料，雷董更出招「扮喊」博同情！得悉雷董陰謀的 Raymond 遂與父親「講數」，趁着雷董「開大」時衝入廁所與其對質，並聲嘶力竭地怒吼：「你寧願信個有病嘅阿妹都唔信我！」

袁文傑在劇中形象不近人情，不時發火罵人，角色夠晒乞人憎。他受訪時坦言演到「有啲攰」：「好多戲都要用好多力氣去鬧人，情緒要繃到好緊，起伏都好大。」提到與前輩胡楓（修哥）在劇中有不少對罵戲，袁文傑直言不太緊張：「我哋拍第一場戲就已經要鬧交，嗰時雖然未係太熟，但一埋位就已經要互『𡁻』；之後大家慢慢熟落咗，感覺完全唔似第一次合作，修哥真係好好人。」

雖然修哥與袁文傑在劇中不咬弦，但現實中二人其實非常投契，同樣熱愛足球，袁文傑說：「平時傾偈修哥都好風趣幽默，最記得有一次放飯時佢同我傾波經，佢講番以前啱啱出道時都有入場睇足球，佢懷緬一番時，我又可以和應吓佢，大家變得更加投契。咁啱嗰段時間要拍啲感動嘅戲，大家有共同話題對整個事情都有幫助。」

{{hket:inline-image name="yuen2.png"}}{{/hket:inline-image}}

童時愛上你｜吳香倫演包租婆「60露」睇到磨牙 張振朗精神緊張黃建東難以集中【下一頁】