林盛斌加四條化骨龍食量驚人 擦14個撈麵：我點可以唔努力搵錢

娛樂圈「多仔公」林盛斌（Bob）同太太黃乙頤（Pearl）育有三女一仔，大家庭熱鬧固之然非常歡樂，不過都伴隨好多「副作用」！日前Bob就喺社交平台Post出14個撈麵嘅相有感而發，慨嘆要努力搵錢先可以養起呢頭家。

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

Bob將14個撈麵排喺枱影相，留言：「有冇咁誇張呀大佬，真係好恐怖！一個大人，四個小朋友，原來要14包印尼撈麵先夠飽。你話我點可以唔繼續努力搵錢養家呢？」唔少人都贊同Bob養小朋友的確唔容易，食都已經係好基本，未計供書教學同其他雜費，而家400萬都養唔大一個細路呀。不過都有Fans話Bob謙虛，話以佢嘅財力養得起一隊足球隊，留言：「面嗰浸微塵嚟啫。」

{{hket:inline-image name="277079581_367112618601361_7328111713603446562_n.jpg"}}{{/hket:inline-image}}

其實Bob又的確係好多路數，除咗係主持人、藝人，仲做埋YouTuber，雖然疫情期間曾經一度零收入，但瞓身專注發展副業而越撈越發，Bob有份投資的便利店而家已經有四家分店，佢仲有做唔少食品生意。舊年佢開設頻道「Bobtivation 林盛斌」，上載正能量影片教觀眾如何解決生活上遇到的難題以及分享人生觀，頻道有約4.6萬粉絲。Bob為自己開闢新路線，亦有商家邀請佢去公司演講分享正能量，多咗個「激勵演講家」嘅身分，多咗個收入來源。

陳敏之曾指Bob有10億以上身家，不過Bob隨即否認。其實現年42歲的Bob是圈中的隱形富豪，一家五口曾經居住在被C君形容「大過地球」的九龍塘四層獨立屋。早前疫情肆虐對Bob幾乎沒有影響，反而逆市換大屋，搬入同樣位於九龍塘的新屋中，去年還曾經被爆一年勁賺二千萬。

圖片來源：Instagram