張致恒個半月大細仔健康欠佳 雯雯擔憂：飲親奶都嘔一大半

2019年前Boy'z成員張致恒（Steven）原本打算拍住關智斌（Kenny）開騷，反應都非常熱烈，不過開騷前佢宣布同當時嘅粉絲女友區燕雯（雯雯）奉子成婚，因而爆出佢一腳踏六船而被全城喪鬧賤男，形象毀於一旦；此後Steven又有欠債等負面新聞，不過夫妻二人依然兩年抱兩。夫妻生活長期備受外界關注，上年二人鬧離婚，之後又峰迴路轉宣布再懷孕，早前誕下一兒，仲Dramatic過Drama。

同場加映： 吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

{{hket:inline-image name="223e519a23dcda2ad2c9fb42cb57cdafsaasftp20200221.jpg"}}{{/hket:inline-image}}

雖然離婚風波告一段落，不過佢哋第三個囝囝（張天朗）早產一個月，一出世就要瞓氧氣箱、入ICU插胃口，真係見到都戥佢心痛！留院幾日之後天朗都順利返咗屋企，但見Steven post出一個月大嘅天朗都係比正常一個月大嘅bb瘦小。日前雯雯喺社交平台分享，指天朗食同瞓嘅情況都唔係好理想，令佢非常擔憂：「飲親奶都嘔一大半，又瞓得唔好成日醒。複咗診，剩係話食得太飽，返嚟已經減咗一半份量都冇改善，醫生亦都有話唔係奶粉敏感。好擔心！」

除咗健康之外，小朋友嘅私隱問題都困擾住雯雯。前日雯雯喺社交平台上載老公帶囝囝喺公園玩嘅影片，有感而發：「無論大人嘅生活係點樣，發生過啲咩事，小朋友都係無辜，佢哋都需要有佢哋嘅時間。大家有啲咩好公園推薦嗎？ 」

雖然煩惱多多，幸好有一眾窩心嘅網民留言為佢打氣：「加油！畀心機湊大三個仔。」又有唔少人為佢提供建議：「有冇機會轉奶粉？我仔細個時都成日咁嘔奶，要少食多餐」、「會不會係胃仔淺？我囝囝都係，頭幾個月都食哂支奶就嘔，醫生教少食多餐，情況就好好多了，你都試吓。」

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】