生命鬥士︳小鐵漢經歷6次手術 再次完成心導管手術 爸媽報捷：盼機械心瓣頂到3年以上

患有先天性心臟病、年僅5歲的「小鐵漢」Kansas，去年9月尾在兒童醫院「打大佬」，接受第3階段單心室循環手術，換上新心臟起搏器及重建單心室循環系統；此第6次的終極手術歷時8個鐘，在他平安過渡危險期後，卻因細菌感染引致肺炎，需重新插喉及兩次洗肺，所幸其後情況好轉出院。他今早（12日）再接受心導管手術，爸媽今日下午分別發帖報捷，指兒子順利完成手術，並表示：「感激大家為小鐵漢打氣！」

同場加映：

Sick問識答︳出世至今戴口罩礙語言發展 心理學家拆解幼兒4大社交挑戰

{{hket:ul-video id="6105"}}{{/hket:ul-video}}

小鐵漢媽媽昨日（11日）在Facebook專頁發帖，指兒子裝扮成「雷神」前往醫院，並指他對所有程序亦不陌生，但雙手「打完豆」（植入注射藥物或鹽水所用的「黃豆」）不能太大動作，又指「喜歡苦中作樂的他勉強做個Dr Strange（奇異博士）施法動作」。帖文又指，小鐵漢甚為淡定，而今日則會進入手術室接受麻醉做手術檢查，希望屆時兒子的檢查報告「靚靚仔仔、順順利利」。

至今日中午12時許，媽媽再次發帖，指檢查報告指兒子的指數剛合格，「由於小鐵漢在3歲時換了機械心瓣，但隨著他發育，心瓣不會跟他同步長大」，現時情況需繼續覆診觀察，至於要多久才更換也因人而異，

「希望『頂』到3年以上再更換。今次是爸爸第一次陪入手術室（因只可一人），小鐵漢『瞓覺』後就出來，說非常乖，沒有喊，爸爸的威力就是不同！會令他有安全感，泰然處之。」

媽媽又指，小鐵漢麻醉完要等待3小時方可進食，休息期間，堅強的小鐵漢更表示：「冇唔舒服。」

至於爸爸下午1時許亦在Facebook群組「我真係好鍾意迪士尼資訊分享群」發帖，指兒子手術已經完成，亦解釋兒子今次要做心導管手術的原因，

「醫生話囝囝身體入面個機械心瓣開始support（支援）唔到佢嘅成長，但體內結構同指數都尚算合格，個機械心瓣應該仲可以頂多3至5年嘅，醫生嚟緊會定時check（檢查）佢狀態，即係3至5年後又一個大手術喇！」

但爸爸仍懷著正面積極的心態，又指將會帶小鐵漢到迪士尼樂園遊玩，

「不過都唔擔心得咁多㗎喇，要做嘅始終要做；要玩嘅，就一定要玩，所以一定要入迪士尼玩盡去！各位入園見！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴