童時愛上你｜吳香倫演包租婆「60露」睇到磨牙 張振朗精神緊張黃建東難以集中

由高海寧、張振朗、陳展鵬、糖妹（黃山怡）等主演的《童時愛上你》現正播出，上周五晚播出的一集劇情提到，爆基（關曜儁飾）意外得知包租婆Lung姐（吳香倫飾）偷拍Ding哥（張振朗飾）與紫彤（高海寧飾），打算將偷拍片段出售予狗仔隊以換取酬勞。爆基雖然與哥哥鬧翻，但為咗阿哥同阿嫂，佢潛入Lung姐屋企偷手機，但就畀喺廁所出嚟嘅Lung姐發現。

{{hket:inline-image name="ng9.png"}}{{/hket:inline-image}}

同場加映：吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

身上只包住一條毛巾嘅Lung姐，發現爆基偷手機後，隨即叫對方放低電話，更扯佢嘅頭髮，而Lung姐嘅毛巾更因而脫落。爆基趁亂就跑去阿哥屋企，而Lung姐圍住毛巾追至，雖然佢認唔到賊仔個樣，但就懷疑係爆基，仲質問爆基係唔係偷咗佢嘅手機。Lung姐記起賊仔底褲上寫住一堆英文字，仲要求爆基除褲畀佢睇。

Ding哥出聲平反，要求Lung姐拎證據證明佢細佬係賊，仲話：「老實講你而家呢身造型令我精神緊張！」唔少網民都話現實中62歲嘅吳香倫為咗呢一幕罕有作性感演出，係十分之難得同埋令人驚訝！而喺花絮片中，黃建東對住吳香倫都講錯台詞，似乎難以集中喎！

十八年後的終極告白2.0丨譚校長曳曳與34C Elaine床戰 花絮爆陳榮峻拍到幾乎窒息？【下一頁】

其實之前吳香倫老公陳榮峻喺劇集《十八年後的終極告白2.0》都有大膽演出，佢飾演色迷迷的富商鍾正仁，身旁的另一半唔係《愛回家之開心速遞》及現實中嘅太太吳香倫，而係「龍家二太」蘇恩磁。佢仲同擁有34C豐滿上圍的李芷晴上演床戰，狂倒紅酒淋身，完全顛覆佢以往喺《愛回家》譚道德校長嘅君子形象呀！

圖片來源：大會提供、截圖、IG

童時愛上你｜關曜儁張振朗墳場爆喊大和解 戲外好兄弟有火花：觀眾都話感人【下一頁】

{{hket:youtube id="hp8_GqzNiQQ"}}{{/hket:youtube}}

娛樂組