完成隔離丨吳若希戴祖儀齊齊保護神秘人？ 陳展鵬單文柔出關帶小豬比遊園

近年唔少藝人北上工作，離家多時被迫同仔女分隔兩地，見到都有啲心酸。不過陳展鵬就完美解決咗呢個問題，做到兼顧事業家庭，事關佢帶埋妻小一齊北上開工，相信隻身返內地嘅吳若希都好羨慕！

同場加映： 吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

陳展鵬2018年與單文柔結婚，2019年4月囡囡小豬比出世後，變成女兒控經常分享親子照片。近日展鵬北上拍攝與吳若希主演的新劇《香港人在北京》，帶埋老婆囡囡同行。近日佢哋隔離完畢，到寧波準備拍攝，一眾演員包括陳展鵬、洪永城、吳業坤及戴祖儀齊齊打卡，Jinny上載合照：「可以因為工作的關係來到寧波，還有時間去老外灘，我喜歡我們這一團人。」

{{hket:inline-image name="7059cee6gy1h3wi75ccdgj20s713dk7k.jpg"}}{{/hket:inline-image}}

合照中見陳展鵬攬住太太單文柔，囡囡小豬比企前排笑得好燦爛，成為眾人焦點，連戴祖儀都忍唔住冧爆表示：「小豬比super kawaiiiii！」之後展鵬仲同囡囡去遊樂場玩機動遊戲，真係廿四孝好爸爸！有人留意到相中個個都結晒婚，只得戴祖儀一個仲係孤家寡人，個個都催佢婚，唔知呢團人嘅福氣會唔會沾染到佢呢？

Jinny同戴祖儀都上載咗同一張合照，不過二人都用Emoji遮住其中一個人，令到大家都好好奇係邊個！有人留言話見戴祖儀「錯手」Post咗原圖，eEmoji背後人係冼靖峰，而冼靖峰都有用笑笑emoji做留言，有人問佢做咩要遮面，不過始終冇回覆。網民就估三大原因，第一可能係因為冼靖峰唔係《香港人在北京》同劇演員，所以就遮住佢「歸齊」；都有人估可能佢係劇中嘅神秘角色，所以唔「劇透」；又有人估佢可能為工作整咗新造型，所以要保持神秘。

圖片來源：Instagram