李璨琛Coffee老公分別視像子女 伯伯Lucy做「管家」質問老竇去邊

近年轉戰YouTube界嘅林芊妤（Coffee）除咗因為瑜伽做得出色儲咗好多Fans之外，仲因為佢嘅可愛囝囝「伯伯」吸咗好多followers，有時佢同囝囝出街，分分鐘伯伯仲多fans過媽咪，人氣超強！除咗伯伯之外，李璨琛嘅囡囡Lucy（李元元）都係另一個好受歡迎嘅星B，由於兩B年紀相約，兩位媽媽不時互相留言交流。咁啱得咁橋，日前兩家嘅爸爸都離開咗香港，出現咗畀兩位「大帝」「審訊」嘅場景，非常搞笑。

同場加映： 張敬軒預年底搞Side Track演唱會 Marf IvySo接受唔到剪短頭髮

{{hket:ul-video id="6061"}}{{/hket:ul-video}}

Coffee喺IG留言話囝囝平時都係自己湊開，估唔到佢比想像仲更加掛住爸爸，仲好有童真咁問佢問題：「點解爸爸要走你都唔話佢㗎？」、「點解爸爸唔帶埋我哋去嘅？」、「你都冇同我講佢要去咁耐！」然後每晚臨瞓都要打畀爸爸，如果爸爸冇聽電話又會問：「點解爸爸咁naughty唔聽電話嘅」、「佢究竟喺度做緊啲乜嘢呀？」

{{hket:inline-image name="291725450_135170485584591_1800656671120247884_n.jpg"}}{{/hket:inline-image}}

Coffee講到如果囝囝成功視像爸爸，會要求爸爸畀佢睇吓身在何方，又會問佢幾時先返，又同爸爸講好掛住佢同愛佢，仲會狂錫個電話。Coffee話冇咗老公輕輕幫手湊仔佢都更加攰，總結嚟講都有少少掛住老公咁話，真係好冤氣嘅一家呀！

{{hket:inline-image name="2.JPG"}}{{/hket:inline-image}}

無獨有偶，日前李璨琛囡囡Lucy都向爸爸做出差唔多嘅舉動，真係勁Kawaii！Lucy媽post咗幾條短片，留言：「老豆（竇）夜晚出去有聲氣，同咩朋友出去飲嘢呀？我有冇見過㗎？😂😂😂 #咁夜 #李管家」片中Lucy又係對住鏡頸瘋狂啜啜，又同爸爸講自己準備瞓覺，但當佢一見到爸爸嗰邊嘅背景係行緊出街，就即刻質問：「我都瞓喎，咁夜你去邊呀。」得4歲人仔嘅Lucy咁老積，搞到媽媽笑到不能自已，仲稱呼佢做「管家婆」。

唔少網民都大讚兩個小朋友可愛，同時feel到佢哋好掛住爸爸，希望佢哋可以快啲團聚；又有人笑兩位媽媽「機心好重」，可以不費吹灰之力、有兩個少「間諜」，就唔使出手都可以check住兩個爸爸有冇「蠱惑」，大讚呢兩個BB真係生得抵呀！

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】