張敬軒變「送禮軒」名貴腕錶贈馮允謙 籲後輩把握機會闖紅館

馮允謙（Jay）一連四場九展個唱前晚圓滿結束，入行10年的Jay獲前輩張敬軒（軒仔）任尾場表演嘉賓，誰知軒仔竟在台上割愛除下珍藏多年的IWC名錶送予Jay，全場譁然。軒仔特別寄語後輩：「珍惜時間，把握機會，紅館見你！」忽然獲厚禮的Jay既驚且喜。

同場加映：何啟南由電影男一轉做無綫行企角色 暫拒北上賺錢：我唔捨得家庭

{{hket:ul-video id="6066"}}{{/hket:ul-video}}

{{hket:inline-image name="H3.jpg"}}{{/hket:inline-image}}

{{hket:inline-image name="H6.jpg"}}{{/hket:inline-image}}

馮允謙上月曾任張敬軒的紅館個唱嘉賓，當時Jay送上兩張親手繪畫的九展個唱門票誠邀前輩入場睇騷。前晚軒仔亦投桃報李，為Jay的尾場個唱任表演嘉賓，二人合唱歌曲《愛斯基摩人之吻》。軒仔在台上透露準備了禮物：「今朝起身特登開夾萬攞出嚟，呢份禮物好有意思。」說罷，他即除下手上名錶並幫Jay戴上：「我08年首次踏足紅館開三場騷，當時係人生第一次收到咁大份收入，所以買咗一隻好出名嘅手錶送畀自己，我決定今晚（前晚）送畀你！」

{{hket:inline-image name="527A2482.jpg"}}{{/hket:inline-image}}

{{hket:inline-image name="H2.jpg"}}{{/hket:inline-image}}

{{hket:inline-image name="527A1973.JPG"}}{{/hket:inline-image}}

軒仔笑言絕非植入式廣告︰「呢隻IWC錶款已經過咗季、斷咗貨，我戴住佢綵排過好多次紅館演唱會，好長時間係我人生中最貴嘅錶！已經幫你（Jay）上晒鏈同抹咗油，較好晒時間。」入行20年的軒仔語重心長寄語Jay︰「希望藉住呢隻錶話你知，我哋呢行好現實，長江後浪推前浪，珍惜時間，把握機會，我喺紅館見你！」Jay感動得攬實軒仔說︰「我一定會加油！」

{{hket:inline-image name="527A0993.jpg"}}{{/hket:inline-image}}

至於Jay亦禮尚往來送上一個金色球體︰「好似一粒栗子，好得意，搖下有聲， 佢有個啷啷！」軒仔聞「啷」色變，大講有味笑話，令全場爆笑；他又忍不住取笑在外國長大的Jay：「你自己中文唔好，做乜搞呢啲gag呢？」完騷後，Jay受訪時坦言對軒仔送錶十分驚訝︰「佢好錫我，一直好似大哥哥咁照顧我，唔知點報答佢！」他透露會將名錶放入夾萬︰「如果上紅館我一定戴！公司有計劃幫我入紙，希望快啲有結果。」

{{hket:inline-image name="H1.jpg"}}{{/hket:inline-image}}

此外，昨日凌晨軒仔與C AllStar成員梁釗峰齊齊開IG直播，原來釗峰前晚也是Jay個唱的座上客，直播甫開始，軒仔取笑釗峰睇完演唱會心心眼，釗峰即說︰「不嬲心心眼啦，Jay Fung喎，你無心心眼？」軒仔回應︰「我呀，要拖地呀！」軒仔又大談舊事︰「好心痛呢個人（Jay），因為合約問題浪費咗幾年，我都好想幫呢個人，佢應該要發光發熱。」

撰文：梁紹明