守下留情丨艾迪後悔跟呂奇搵食放棄藝訓班 難忘《邊緣人》改運 68歲仍有戲癮

資深演員艾迪現居美國三藩市，與太太育有一子一女，早前曾經復出演藝圈拍攝電影《墜落花》、《踏血尋梅》等，但由於疫情的關係未能如常往返兩地，所以暫時留美生活。他在美國接受《守下留情》主持人何亨訪問，大談自己的演藝生活和轉行的經過，現年68歲仍不減他幽默的風格，非常風趣。

同場加映：吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

守下留情丨劉淑儀捧為「翡翠八美圖」後遭閒置 轉行空姐地產老師 為愛家居三藩市【下一頁】

{{hket:inline-image name="288073537_425547846249175_8155423089721821878_n.jpg"}}{{/hket:inline-image}}

艾迪表示中學畢業後曾經當過跑腿文員，不過幾個月後就辭工，家人看不過眼，要求他考警察或者考藝員訓練班，最終收到兩邊的取錄信，艾迪最終選了藝員訓練班。1973年參與第三期訓練班，未夠兩個月，他已經獲呂奇的製片公司邀請去為電影試鏡，隨即就接拍電影，當時呂奇的公司要為他改一個藝名，「艾迪不錯，因為國語發音係愛敵，愛你個敵人，即係冇敵人啦！名就改得好，但冇加個姓畀我！你知唔知我本身叫咩名？陳小明！幾肉酸呢？」

艾迪表示入行後平平無奇，打算標奇立異去紋身，「人哋虎呀豹呀好有型，我喺度整隻貓仔，仲要有絲巾。」他指在藝訓班最熟的是鄧英敏、羅冠蘭、伍潤泉等等，不時會網上聊天，不過他後悔為了跟呂奇搵食而放棄藝訓班，他說：「如果有得揀，我一定揀留喺訓練班，去拍戲我連行路都要人教，呢兩、三年好辛苦，最後離開佢，去佳視拍《隋唐風雲》，年初一開工，拎完開工利是，再演死人收利是。後來麗的電視同無綫都睇到我，麗的電視張之鈺叫我拍半小時單元劇，無綫甘國亮叫我拍《少年十五二十時》，兩間都話簽約，不過麗的積極啲。我要生活嘛，之後兩年後轉去無綫，五年都拍幾多電視劇，但從未演過男主角，好唔抵，只要畀我做一次，我唔紅我認命，一次未做過我唔甘心！」

接拍電影《山狗》期間，獲邀去為《邊緣人》試鏡，最終成為男主角，一炮而紅，更獲得金馬獎最佳男主角榮譽，「拍完咁大迴響，我覺得因為個角色係我過去影子，我係娛樂圈八年冇做過男主角，《邊緣人》入面個角色就係想做啲轟轟烈烈嘅事，心態同劇中人有重疊，(得獎後機會接踵而來？）金馬獎之後，突然所有人都係你朋友，之後一年內完成八套電影，再簽定四部片，一年出27次糧，開始買寶馬，性格沙塵又成日遲到，都幾乞人憎。」

守下留情丨李有毅搞內地房地產暴發卻成人生低潮 爆《造星》囝囝Benson仲成日攬爸爸【下一頁】

雖然《邊緣人》令艾迪爆紅，可惜1989年他在台灣拍戲期間跌碎雙腳腳筋，坐輪椅三個月，可惜康復進度強差人意，三年來走路都要拐拐吓，「人走茶涼，冇喺娛樂圈就冇人聯絡，心灰意冷，轉行去一間貿易公司工作。」他隨後先後去台灣和英國工作，工作關係經常跟客服小姐聯絡，後來兩人關係越來越近，最終結婚後定居美國。他表示雖然代表作是《邊緣人》，但艾迪最愛的角色是《墮落花》，一直有戲癮的他除了期待香港通關後，可以繼續接洽電視劇或電影的工作外，他在教會的話劇組中都擔任重要的工作，大多數擔任導演。

{{hket:inline-image name="90428359_419168078929035_2918063092287930368_n.jpg"}}{{/hket:inline-image}}

{{hket:inline-image name="89965222_419168018929041_8052147176928706560_n.jpg"}}{{/hket:inline-image}}

{{hket:inline-image name="90483523_419168008929042_7127810695172718592_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉