IB放榜｜聖保羅男女中學誕12狀元 5人留港讀醫 疫下溫書有妙方

國際文憑大學預科課程（IBDP）今日（6日）放榜，聖保羅男女中學今年有5男7女考獲滿分，成為IB狀元，其中5人打算留港讀醫，且不約而同提到第5波疫情堅定他們讀醫的決心，女狀元許晴沂直言：「做醫生就係預咗幫人，有風險在所難免；香港醫療系統好缺醫護人員，以我咁多年接受到嘅教育，為香港盡一分力都係應該！」

另外5人會到英美升學，例如卓兌酋稱會到美國耶魯大學讀英國文學，部分則未明確決定方向，例如戴紫君稱，打算升讀美國費城賓夕法尼亞州立大學，不過暫未決定主修意向；她對數學、物理、政治學等不同範疇都有興趣，而美國大學課程選擇較有彈性，讓她留有空間探索。她又強調，自己希望了解不同文化，未來回流本港。

有意到英國劍橋大學讀科學的陳雋昇則表示，未決定未來路向，形容「我哋其實都係啱啱18歲，未必清楚未來40年嘅職業方向，希望可以多睇睇再決定」；至於餘下2人則未決定在海外或本地升學。

對於疫情下的讀書心得，多位狀元都表示「一定要(與同學)一齊讀」，指每一班或同學之間都會分組，在Google Drive分享課堂筆記或課外參考資料，又或者分工合作查找不同名詞的定義，「好快可以揾晒，又全部都可以得益」。各人又提到，疫情下長時間在家，雖然溫習重要，但都要兼顧減壓，應找時間做自己喜歡的事情，「唔係永遠都係到讀書」。

港產93名IB狀元較前年多3倍，佔全球14.5%，詳情即睇【下一頁】。

撰文：李卓謙
責任編輯：戴維浩