林夏薇着小背心跳舞自娛似紙片 胡定欣擔心過瘦：請進食！

受TVB力捧嘅視后林夏薇（Rosina）一劇接一劇，拍完《法言人》又拍《寵愛Pet Pet》同《逆天奇案II》，可以話係忙到甩碌。不過，佢仍然好照顧Fans，不時更新IG派福利。日前，佢上載咗一段跳舞片，影片中佢充滿活力又大騷小蠻腰，不過就令大家擔心佢口過瘦。

同場加映： 張敬軒預年底搞Side Track演唱會 Marf IvySo接受唔到剪短頭髮

{{hket:ul-video id="6061"}}{{/hket:ul-video}}

Rosina Post影片大騷「舞功」並留言︰「最近很忙，有啲疲倦…跳返Part正能量舞！為自己打打氣！加油金醫生～ #寵愛petpet #金惠婷 #金醫生的另一面」大家都話估唔到平時睇落斯斯文文嘅佢跳舞都好有自信，好睇又夠力道，一啲都唔似外行人。

{{hket:inline-image name="8.jpg"}}{{/hket:inline-image}}

着上小背心同牛仔褲嘅林夏薇身形纖瘦，手臂直頭係皮包骨，連好友胡定欣都留言說︰「請進食！」林夏薇就回覆︰「都冇停過進食。」網民都紛紛留言表示擔心︰「瘦了好多」、「再忙也要注意健康」、「瘦到好似《玩轉極樂園》……」、「食返多d蛋白質，佢缺嘅唔係肥係肌肉 可能佢個審美標準有差，覺得瘦就靚。」等等。

不過亦有網民大讚佢身形好弗，該有肉嘅地方都有肉，又表示覺得佢感覺好年輕，一啲都唔似35歲，似係25歲嘅青春少艾！