好人好事 ︳打風深夜港男壞熱水爐網上求救 好心街坊帶齊工具上門解困

家電故障獲熱心街坊上門維修，實在難得！一名居住坪輋的男子表示，打風前夕家中熱水爐故障，女友因未能洗澡大發脾氣，遂在社交群組向網民求救，幸獲大埔一名男街坊相助，帶齊工具上門修理，終在凌晨完成維修工程，獲一眾網民大讚有人情味。

同場加映：

管家王丨櫃門鉸生鏽老化難開關 專家教7分鐘DIY換門鉸

{{hket:ul-video id="6053"}}{{/hket:ul-video}}

好人好事 ︳失智婆婆截的士去睇醫生忘記地址，暖心司機陪搵診所拒收車資，詳情即睇：【下一頁】

一名居住坪輋的男網民上周四（6月30日）晚上10時許在Facebook群組「大埔 TAI PO」中發帖，表示家中熱水爐故障，形容裡面已經無水，但一打開上面的水掣就會噴水，直言情況「噴泉咁樣」，遂在社交群組發帖向網民求救：

「有冇師兄可以即時維修？我過嚟車埋你。」

獲熱心男街坊相助上門維修

約20分鐘後，有一名男網民留言指可以幫忙，但有感坪輋路途遙遠，事主便提出「我可以車你來回」，亦樂意支付「人工」和材料費用。他又指情況緊急，「因為明天冇水用，女朋友已經發脾氣，所以有啲急」，著該男網民致電給他。

最後二人相約在大埔大元邨街市碰面，事主再接載對方上門，並在凌晨12時半分享對方站在浴缸內維修熱水爐的照片，該男網民事後留言指「已經整好，多謝各位讚賞」，並表示沒有收取「單工」，事主女友亦不忘答謝對方：「真係好感謝你，聽日可以沖涼返工喇！」

↓ 點 擊 圖 片 放 大 ↓

網民：邊有心地咁好嘅人㗎？

不少網民看到帖文後均大呼暖心，盛讚該男街坊熱心助人：「人間有愛」、「好人一世平安」、「大埔人真係好好呀」、「搞錯呀？邊有心地咁好嘅人㗎」、「黐鬼線，咁夜有街坊幫手整熱水爐，呢啲人情味真係得大埔先有」，亦有網民詢問他是否也能幫忙修理熱水爐：「師兄，我屋企個爐都壞咗，成日沖沖吓會失效冇咗熱水，請問整一整要幾錢呀」、「師兄，我可唔可以Mark低你個電話號碼呀？我呢幾日諗起個好朋友想搵佢飲茶呀」。

好人好事︳女兒突初來經單親爸尷尬求助，善心女入商場廁所教用衛生巾，好人做到底結局暖心，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀