麥明詩箍牙後輪廓變深有混血感 嘴巴過凹虎紋加深顯老現「牙套臉」

有「十優港姐」之稱嘅麥明詩（Louisa）在2015年以大熱姿態當選香港小姐冠軍，加入TVB後備受力捧，但就喺2019年約滿後毅然放棄做「親生女」，改簽一年一騷，轉行做OL，於著名跨國顧問公司擔任商業顧問。雖然少咗好多喺幕前出現，不過依然唔少廣告客戶向佢招手，早前佢就有一個美容代言出街，依舊引起網民熱烈討論。

同場加映：何啟南由電影男一轉做無綫行企角色 暫拒北上賺錢：我唔捨得家庭

{{hket:ul-video id="6066"}}{{/hket:ul-video}}

{{hket:inline-image name="8.jpg"}}{{/hket:inline-image}}

Louisa喺廣告片再次講及淡出幕前嘅原因，佢表示喺娛樂圈的四年令佢思想轉變，開始失去自我價值，非常在意其他人嘅睇法。片中佢咬字似乎有啲唔正，不過表現自信同埋非常自然，不時流露笑容，再埋佢嘅靚樣，實在令人可以忽略佢講咩。箍牙後Louisa輪廓變深，甚有混血感，五官都好立體！唔少網民都大讚佢少咗喺幕前出現反而越來越靚，更有人留言指佢開始有啲似韓星崔智友，評價非常高呀！

不過審美觀始終人人都唔同，都有唔少人認為佢箍牙前美貌更勝而家，有人更加認為佢箍到出現牙套臉，成塊面凹咗好多，睇落好顯老，留言：「佢塊面圓番少少會好睇啲。」、「選港姐都唔係好耐之前，嗰陣望落後生好多。」、「個嘴向後凹咗入去，虎紋都特別明顯」。