聲夢傳奇｜黃奕斌Hugo內地拍劇戴頭套敏感頂硬上 林智樂Felix爆響口暗示《聲夢》有新節目？

《聲夢傳奇2》現正播出，《聲夢傳奇》嘅15位學員隨即變晒師兄師姐，仲有部分人親自到場睇師弟師妹嘅表演。而最近《聲夢》8位學員包括黃奕斌（Hugo）、何晉樂（Rock）、孫漢霖（火雞）、林君蓮（Kaitlyn）、林智樂（Felix）、林沚羿（Venus）、蔡愷穎（Lolita）及潘靜文（Sherman）齊集，為《聲生不息》拍攝短片。

同場加映：張敬軒預年底搞Side Track演唱會 Marf IvySo接受唔到剪短頭髮

{{hket:ul-video id="6061"}}{{/hket:ul-video}}

{{hket:inline-image name="hugo8.png"}}{{/hket:inline-image}}

眾人之後接受訪問，火雞就直言仍未能駕馭「前輩」呢個稱呼，因為大家都經驗尚淺。被問到睇好《聲夢2》中邊位學員，佢就話：「全部都睇好。」Felix指自己好期待他們的表演，大讚佢哋非常有潛質。

而Hugo在去年10月完成拍攝新劇《青春本我》的戲份後，便離港到內地發展。在11月，Hugo到內地拍劇，並擔任《無相之城》的男主角，成為第一個拍內地劇的《聲夢》學員。早前他正式歸隊，更分享拍攝趣事，他說：「去咗內地浙江，第一次拍古裝劇，成個過程係好有趣。捱凍、捱夜係好辛苦，但係無諗到酒精敏感，戴頭套戴到個頭敏感，成個頭紅晒，但都要格硬忍住。真係好尊敬劇組同工作人員！」

{{hket:inline-image name="hugo2.png"}}{{/hket:inline-image}}

15位學員在初出道時已試過拍劇，Felix更爆響口，似乎暗示嚟緊有新節目同大家見面。Felix指「好似係《聲夢學院》嗰啲綜藝，係我哋希望會做嘅，要靠大家多多留言，如果唔係唔知幾時開到。」

圖片來源：TVB影片截圖

聲夢傳奇｜黃奕斌Hugo主演內地網劇《無相之城》古裝look登場 女主角竟然係今屆落選港姐【下一頁】