不少家庭都因家用問題產生矛盾，一名港女日前發文抱怨，指兩母女與表哥及外婆同住，然而表哥月入2萬元卻只給予1,000元家用，且從不幫手做家務，又常帶女友前來過夜，要家人照顧兩人起居飲食。事主批評表哥「鬧唔聽、趕唔走」，感到相當無助。
同場加映：
管家王丨難耐老人院生離死別 轉行任陪月學做「開明奶奶」
一名女網民日前在「香港討論區」發帖，表示自己與母親和外婆同住，方便照顧外婆，而表哥早前為方便回大學上課搬入同住，但畢業後卻未有搬走。事主指，表哥現時任職電腦工程師，月入2萬元，起初拒絕畀家用，在母女倆要求下，始肯支付1,000元家用，
「佢話自己得2萬蚊人工，自己唔夠使，唔夠畀家用，又鬧番我媽媽，話人工唔夠我媽媽多，應該要出多些少，事實上，我媽媽已經攞咗4分3出嚟。」
帶女友回家好食懶做
事主曾要求表哥搬走，對方卻不肯，反而每周有2、3天都會帶女友回家，要求家人替他們煮飯，卻從不幫忙做家務，「（表哥）又成日唔出街，出街食又跟住晒，喺屋企開晒冷氣，原本已經忍唔到，喺屋企叫外賣又只會叫自己嗰份，連阿婆嗰份都唔叫，就連早餐都要請埋佢哋食，拍拖拍到要照顧埋佢女朋友。」
月入7,000元畀4,000元家用感不公
事主現時仍在就學，雖然做兼職月入只有7,000元，但每月卻會給予4,000元家用，遠比表哥多，批評表哥為人自私。她稱單位屬外婆名下，而外婆一向重男輕女，故不會趕走表哥，自己又不忍心不畀家用，以致相當苦惱，遂詢問網民意見：
「大家都外孫，冇理由咁唔公平嘛。好難受，一個自私嘅人點樣可以令佢出家用？我只係一個女仔，我仲要照顧阿婆，究竟我可以點做？有冇人可以幫吓我？」
網民：愛自己多啲搬出去住
不少網民看到帖文後，建議事主「愛自己多啲」，如表哥屢勸不聽，而外婆又重男輕女，建議她減少家用或搬出去住，但都有網民指應對表哥窮追不捨，直到他肯交家用為止。
↓ 點 擊 圖 片 放 大 ↓
- {{hket:inline-image name="CObh.jpg"}}{{/hket:inline-image}}
- {{hket:inline-image name="C3r.jpg"}}{{/hket:inline-image}}
- {{hket:inline-image name="COytn.jpg"}}{{/hket:inline-image}}
- {{hket:inline-image name="CO4t3.jpg"}}{{/hket:inline-image}}
- {{hket:inline-image name="COrth.jpg"}}{{/hket:inline-image}}
- {{hket:inline-image name="CO4t.jpg"}}{{/hket:inline-image}}
- {{hket:inline-image name="3r.jpg"}}{{/hket:inline-image}}
- {{hket:inline-image name="COfgh.jpg"}}{{/hket:inline-image}}
- {{hket:inline-image name="Cgrw.jpg"}}{{/hket:inline-image}}
- {{hket:inline-image name="CONr3.jpg"}}{{/hket:inline-image}}
家用問題 ︳兄長婚後誕兩兒不搬走，畀$4,000家用當媽媽工人，港女斥極品大嫂好食懶做無貢獻，詳情即睇：【下一頁】
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
每朝索取《晴報》：精明生活．健康家庭．開心娛樂
撰文：蘇麗儀