李珊珊力抗情緒病做同路人「樹洞」 激讚失婚婦勇敢脫離出軌賤夫

現年44歲的李珊珊，曾經患上驚恐症後，最難受的時刻，她覺得如身在瀕死邊緣一樣，幸好她能夠自我開解，加上有朋友的支持，病情逐漸好轉，不過仍然要返醫院複診睇報告，上月她在IG留言表示：「醫生讚呀！今次指數好靚仔！繼續服藥保持住。」

同場加映：區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

{{hket:inline-image name="800_ae9c74ff667ac2ea56ce0b12dcd086a7.jpg"}}{{/hket:inline-image}}

李珊珊積極抵抗情緒病的同時，也會向外發放正能量，她認為每個人的心中都需要一個樹洞；去年，她在社交平台開Post留言「這是一個關於情緒病康復者，同路人說出自身故事的地方。」她表示如果大家處於黑暗、面對難題時，均可向她投稿，讓大家在她的樹洞有歇息的機會。相隔兩天，她開始收到大家的來信。

李珊珊神隱多年首認患驚恐症「窒息嘅感覺令我覺得喺瀕死邊緣」【下一頁】
昨晚，李珊珊複診回家後，上載一條片段，複述Christine分享的故事，Christine的老公有婚外情，一直將老公放在首位的Christine，的確難以接受老公出軌的事；兩人一起18年，亦有個女兒，感情卻經不起考驗，她的老公推說是老婆不夠溫柔體貼，更叮囑Christine只要待在家中，大家還可以以夫妻相稱，但不能管他外面的事，Christine最後只能選擇離婚。

1996年港姐冠軍│李珊珊電台開咪重提驚恐症經歷 感激無血緣姨姨照顧 成康復動力【下一頁】
李珊珊讀完Christine的故事後，坦言會支持對方的選擇，「我覺得好開心，你夠膽、有勇氣，用文字寫落嚟，對呢段關係徹徹底底寫低、放下，再跟大家分享，呢個係一個勇氣，我最開心係睇到你有好強烈、清晰嘅方向，我就唔太擔心你處理唔到，我感應到你活得比佢好，你能夠照顧好自己。」
另方面，李珊珊對於有人會替Christine的女兒擔心，成長於單親家庭會不夠好，她則認為：「我覺得如果有足夠嘅愛，有爸爸又好，冇媽媽又好，或者雙親都好，你能夠教識佢人生，知道方向，知道要做啲咩，做人最基本要有仁義禮智信望愛，唔一定有爸爸媽媽喺度係一件好事，如果日日睇到家嘈屋閉，你認為細路仔睇唔到咩？佢哋感受到咪更加痛苦，所以千祈唔好因為害怕離婚會令仔女喺單親家庭長大，而令你唔選擇一個明智嘅決定。當然，離唔離婚終歸都係自己選擇，喺呢個世代，快樂係唔需要靠任何人，係可以自己畀自己，特別你已經有兒女，你有責任去捍衛佢哋，唔只生活上，佢哋快樂都好重要，就算父母感情出問題，呢頭家都係佢哋最好嘅避風港。」

李珊珊興奮稱報告指數「好靚仔」 每日服藥：連鐵人都會喪志【下一頁】

李珊珊表示從Christine的文字中，看到她的怒氣很重，叮囑她不要讓怒氣作主導，「佢建立畀你嘅地獄，而你又繼續怒氣落去，其實你從來都未離開過佢建立嘅地獄，你應該喺天堂，而唔係佢嘅地獄裏面。」她又續說：「如果呢件事令到你好痛，感應到喺情緒上有好波動，其實你唔一定患咗情緒病先搵精神科醫生，有時會不自覺有少少病徵都唔知，又或者提議去搵心理醫生傾，佢哋會更專業，令你心靈上有一啲啟發。」李珊珊最後寄語她不用理會對方，「要走嘅人，留唔住，過眼雲煙，最重要係活得比佢好，就係你嘅未來，你女兒都會開心，記得開心過日子。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】