阿Sa男友偷食被阿嬌撞破「學是非」 好姊妹戲劇性陪捉姦斷到正

Twins嘅阿嬌同阿Sa相識22年，出道至今都係最佳搭檔同閨密，對對方都係毫無保留。阿Sa近日參與內地綜藝節目《遲到的戀人》，大談感情事，透露剛入行時，發現男朋友偷食，而且仲要係好姊妹阿嬌踢爆，令佢難以忘記。

同場加映： 區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

阿Sa回憶當時佢入行冇耐就識咗個男朋友：「我剛入行時，有一個男朋友，阿嬌（鍾欣潼）也認識的。」有一次打極畀男朋友都冇人聽，當晚佢見到阿嬌，覺得阿嬌怪怪哋，欲言又止咁，於是女人嘅第六感「上線」；阿嬌最後坦白，原來佢發現阿Sa當時嘅男友搭上其他女仔。

{{hket:inline-image name="2.jpeg"}}{{/hket:inline-image}}

阿Sa原先唔相信，阿嬌於是帶佢「親眼見證」：「門一打開，我就看到我那時候的男朋友，跟一個女生在一起了。」捉姦在床嘅經歷令主持人柳岩驚嘆，更大讚「阿嬌很猛」。

節目中又對「朋友對象出軌你會告訴他／她嗎」進行討論，阿Sa表示佢會睇人決定，原因係有一次佢揭穿好友男友偷食，冇諗到朋友反而嬲咗佢：「（她）就覺得『你為甚麼要說我男朋友的壞話』，然後也告訴了那個男生，我變成他們共同的敵人。」因此佢會先睇對方為人，選擇會否同對方講出真相。

阿Sa入行後第一個承認嘅男朋友是鄭中基，二人戀情於2009年曝光，不過早喺2004年秘戀，當年鄭中基將阿Sa的英文名紋喺手臂上。至2010年二人被爆秘婚，阿Sa和鄭中基開記者會承認婚事同時宣布離婚。當時有傳離婚原因是鄭中基有第三者，二人宣布離婚前，鄭中基曾與多名女性傳出曖昧關係，甚至有媒體影到佢曾帶一名年輕女子回家。不過二人表示分開係因為聚少離多令感情生變，記者會期間佢哋都喊到收唔到聲，非常難過。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】