梁朝偉日本東京睇花生騷執到正 59歲狀態回勇日系打扮氣質飆升

今日就係影帝梁朝偉60歲大壽，出道將近40年，除咗精湛嘅演技之外，佢嘅迷人電眼同完美比例五官都係大家愛佢嘅原因之一。前幾年梁朝偉曾經喺外國一間日式餐廳被影迷野生捕獲，毫無準備加埋燈光，令當時嘅佢睇落非常蒼老，唔少人都嚇一跳，不過日前佢喺日本時裝騷嘅一張相，就為佢大「平反」，粉絲們見到都話再次墮入愛河呀。

同場加映：區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

梁朝偉去年以Marvel電影《尚氣與十環傳奇》進軍荷里活，喺劇中飾演反派「徐文武」氣場十足，鋒芒甚至蓋過晒主角們，再創事業高峰。最近香港嘅公開活動都見唔到佢嘅蹤影，原來佢正係身處日本，日前佢同日本時裝設計師山本耀司嘅合照曝光，梁朝偉狀態大勇Charm爆，引發網民熱烈討論。

{{hket:inline-image name="289591266_1175753616319154_4965006932264353170_n.jpg"}}{{/hket:inline-image}}

梁朝偉受邀觀賞山本耀司嘅時裝騷，相中見到梁朝偉着住迷彩上衣，再搭配黑色皮外套，下身着上版型寬鬆嘅卡其色長褲加，整體造型young得嚟亦唔會太over，睇得出明顯係用心配搭過，都呼應山本耀司All Black的嘅時裝美學。梁朝偉對著鏡頭露出淺笑，臉上嘅小皺紋令佢嘅電眼更加迷人，無添加嘅外貌保養得宜，真係人見人愛。

網友睇到合照之後都大讚梁朝偉狀態回勇，仲話佢係當代難得有品味嘅男星，留言：「人在日本氣質都唔同啲。」、「簡單得嚟又睇得出佢有襯過，有型！」、「冇被污染冇打針嘅男神。」

原來梁朝偉1999年曾經為山本耀司主辦嘅時裝騷擔任Model結緣，而山本耀司近日舉辦了2023春夏時裝大騷，梁朝偉都受邀到場。時裝騷都邀請多位日本當紅男星嚟行catwalk，包括大澤隆夫、伊藤英明、遠藤憲一、加藤雅也、龍星涼、Snow Man的18歲成員Raul等人都受邀擔任模特兒，演繹山本耀司的服裝作品。